06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Սաուդյան Արաբիան 5 մլրդ դոլար է ավանդադրում Թուրքիայի Կենտրոնական բանկում
Քաղաքականություն
06.03.2023 | 21:10
Սաուդյան Արաբիան մարտի 6-ին հայտարարել է, որ 5 միլիարդ դոլար է ավանդադրում Թուրքիայի Կենտրոնական բանկում, ինչը պոտենցիալ մեծ խթան է, քանի որ երկիրը պայքարում է գնաճի և նախորդ ամսվա երկրաշարժից առաջացած վնասների դեմ՝ նախագահական ընտրություններից առաջ, գրում է Turkish Minute-ը։
Սաուդյան Արաբիայի զբոսաշրջության նախարար և Սաուդյան Զարգացման հիմնադրամի խորհրդի նախագահ Ահմեդ ալ-Խաթիբը համաձայնագիր է ստորագրել Թուրքիայի Կենտրոնական բանկի ղեկավար Շահապ Քավջըօղլուի հետ՝ «5 միլիարդ դոլարի զգալի ավանդ ներդրելու համար»։
«Այս դեպոզիտը վկայում է սերտ համագործակցության և պատմական կապերի մասին, որոնք առկա են Սաուդյան Արաբիայի Թագավորության և Թուրքիայի Հանրապետության ու նրա եղբայրական ժողովրդի միջև»,- ասվում է հայտարարության մեջ:
Նշվում է, որ որոշումն ընդունվել է թագավոր Սալմանի և թագաժառանգ Մուհամմեդ բեն Սալմանի հրամանով։
Այս քայլը հետևում է Անկարայի և Էր-Ռիադի համատեղ ջանքերին՝ շտկելու հարաբերությունները, որոնք խզվել էին 2018 թվականին Ստամբուլում թագավորության հյուպատոսությունում սաուդցի լրագրող Ջամալ Խաշոգջիի սպանությունից հետո:
Էմմա Չոբանյան
