15.12.2024 | 20:28
Վարազդատ Լալայանը՝ ծանրամարտի աշխարհի չեմպիոն. Armsport.am
Ղազախստան Բլինքենի այցից հետո Պուտինն ու Տոկաևը հեռախոսազրույց են ունեցել
Քաղաքականություն
06.03.2023 | 16:45
ՌԴ նախագահ Վլադիմիր Պուտինը հեռախոսազրույց է ունեցել Ղազախստանի նախագահ Կասիմ-Ժոմարտ Տոկաևի հետ, տեղեկացնում է Կրեմլի մամուլի ծառայությունը։
Հաղորդագրության համաձայն՝ երկու երկրների ղեկավարները քննարկել են փոխշահավետ երկկողմ առևտրատնտեսական համագործակցության զարգացումը, այդ թվում՝ էներգետիկայի, տրանսպորտի, լոգիստիկայի և հումանիտար ոլորտներում։ Հաստատվել է ռուս-ղազախական դաշնակցային հարաբերությունների հետագա ամրապնդման մտադրությունը։
Հիշեցնենք, որ օրեր առաջ Աստանայում էր ԱՄՆ պետքարտուար Էնթոնի Բլինքնեը, որտեղ նա հանդիպել էր Ղազախստանի նախագահ Կասիմ-Ժոմարտ Տոկաևի և արտգործնախարար Մուխթար Տիլեուբերդիի հետ։ Բլինքենը Ղազախստանում հայտարարել էր, որ Վաշինգտոնն աջակցում է երկրի ինքնիշխանությանը, անկախությանը և տարածքային ամբողջականությանը:
Տաթև Ֆռանգյան
