27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Իրանի ԱԳՆ-ն Թեհրան ՄԱԳԱՏԷ-ի ղեկավարի այցն անվանել է համագործակցության նոր էջ
Քաղաքականություն
06.03.2023 | 18:14
Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսիի այցը Թեհրան նոր էջ բացեց այս կազմակերպության հետ Իրանի համագործակցության հարցում։ Այս մասին հայտարարել է Իրանի ԱԳՆ պաշտոնական ներկայացուցիչ Նասեր Քանանին։
«Գրոսիի Իրան կատարած այցը նոր էջ բացեց Իրանի և ՄԱԳԱՏԷ-ի միջև երկկողմ համագործակցության հարցում»,- Քանանիի խոսքերն է մեջբերում ISNA-ն:
Ուրբաթ և շաբաթ Գրոսսին պաշտոնական այցով Թեհրանում էր։ Նա բանակցություններ է վարել Իրանի Ատոմային էներգիայի կազմակերպության (ԱԷԻԿ) ղեկավար Մոհամմադ Էսլամիի հետ։ Գրոսսին ասել է, որ գործակալությունը պատրաստվում է համաձայնագիր կնքել Իրանի հետ, որը կօգնի վերակենդանացնել Գործողությունների համատեղ համապարփակ ծրագիրը (միջուկային համաձայնագիր)։
Տաթև Ֆռանգյան
