14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վրաստանի խորհրդարանում ծեծկռտուք է գրանցվել «օտարերկրյա գործակալների» մասին օրինագծի քննարկման ժամանակ․ ՏԵՍԱՆՅՈՒԹ
Քաղաքականություն
06.03.2023 | 15:49
Վրաստանի խորհրդարանի իրավական հարցերով հանձնաժողովի նիստը, որը հայտարարել է «օտարերկրյա գործակալների» մասին օրենքի նախագծի քննարկման մասին, սկսվել է պատգամավորների միջև ծեծկռտուքով։
«Միացյալ ազգային շարժման» նախագահ Լևան Խաբեիշվիլիի և հանձնաժողովի նախագահ, իշխող «Վրացական երազանք» կուսակցության պատգամավոր Անրի Օխանաշվիլիի ծեծկռտուքի պահը ֆիքսել են տեսանյութում, գրում է Նովոստի Գրուզիան։
Physical confrontation between Georgian MPs and chair of Legal Affairs Committee, Anri Okhanashvili pic.twitter.com/YwIIuljDJR
— Jelger Groeneveld (@jelger_) March 6, 2023
Ընդդիմադիր պատգամավորներից ոմանք հեռացվել են դահլիճից, ոմանք էլ, ի նշան բողոքի, իրենք են լքել այն։
Ընդդիմադիր պատգամավորները խորհրդարանի պատուհաններից կախել են Վրաստանի և ԵՄ դրոշները՝ համերաշխություն հայտնելով փողոցում տեղի ունեցող քաղաքացիական ակտիվիստների բողոքի ակցիային։
Ցուցարարների գլխավոր կարգախոսն է՝ «Ո՛չ Վրաստանում ռուսական օրենքին»։
Eu and Georgia flags outside the parliament right now with the EU anthem on the background. pic.twitter.com/JhviaWFhx3
— Mariam Nikuradze (@mari_nikuradze) March 6, 2023
Հիշեցնենք, որ փետրվարի 20-ին Վրաստանի խորհրդարանում գրանցվել է, այսպես կոչված, «օտարերկրյա գործակալների» կամ «Արտաքին ազդեցության թափանցիկության մասին» օրենքի նախագիծը։ Նախաձեռնությունը պատկանում է «Ժողովրդի իշխանություն» շարժմանը, որը բաղկացած է իշխող «Վրացական երազանք»-ի նախկին անդամներից, որոնք, չնայած անցյալ տարվա հունիսին իշխող կուսակցությունից անջատվելուն, շարունակում են մնալ խորհրդարանական մեծամասնության մաս։
Տաթև Ֆռանգյան
