Քաղաքականություն
06.03.2023 | 16:27
Թուրքիան կրկին հետաձգել է Ստմաբուլյան գազային գագաթնաժողովը, որը նախատեսված էր մարտի 22-ին։ Այս ամիս այն չի անցկացվի, ՏԱՍՍ-ին հայտնել է Թուրքիայի Էներգետիկայի և բնական պաշարների նախարարության աղբյուրը։
«Այո՛, այս պահին հայտնի է, որ այն չի կայանա մարտի 22-ին։ Հնարավոր ժամկետ չի նշվում»,- ասել է աղբյուրը։
Հավելենք, որ Թուրքիան արդեն մեկ անգամ հետաձգել էր գագաթնաժողովը՝ փետրվարի 6-ի ավերիչ երկրաշարժերի պատճառով։
Մինչ այդ, Թուրքիայի էներգետիկայի և բնական պաշարների նախարար Ֆաթիհ Դյոնմեզը հայտնել էր փետրվարի 14-15-ը Ստամբուլում անցկացվելիք գազի հարցով գագաթնաժողովի մասին (Istanbul Gas Summit), որին մասնակցելու էին Մերձավոր Արևելքի, Միջերկրական և Կենտրոնական Ասիայի երկրները, ինչպես նաև սպառողներ Եվրոպայից։
ՌԴ նախագահ Վլադիմիր Պուտինն ավելի վաղ հանդես էր եկել Սև ծովի հատակով Ռուսաստանից Թուրքիա լրացուցիչ գազատարներ անցկացնելու, ինչպես նաև ԵՄ սահմանին թուրքական տարածքում գազային հանգույց ստեղծելու նախաձեռնությամբ։
Էմմա Չոբանյան
