09.10.2026 | 13:48
Վարչապետի խոսնակը՝ Փաշինյանի՝ ադրբեջաներեն երգի ուղեկցությամբ հրապարակված տեսանյութի մասին
ԱՄՆ-ը Չինաստանին կասկածում է նավահանգստային ամբարձիչներով լրտեսություն իրականացնելու մեջ․ WSJ
Քաղաքականություն
06.03.2023 | 19:13
ԱՄՆ իշխանություններն ավելի ու ավելի են անհանգստանում, որ չինական արտադրության հսկայական ամբարձիչները, որոնք տեղակայված են ամբողջ երկրի նավահանգիստներում, կարող են Պեկինի կողմից օգտագործվել որպես լրտեսության գործիք։ Այս մասին հայտնում է The Wall Street Journal-ը՝ վկայակոչելով անանուն աղբյուրներին, գրում է DW-ի ռուսական ծառայությունը։
Լրատվամիջոցի զրուցակիցները ZPMC-ի արտադրած նավահանգստային ամբարձիչները համեմատում են «տրոյական ձիու» հետ։
«Չնայած համեմատաբար լավ աշխատանքին և ցածր գնին՝ դրանք պարունակում են բարդ սենսորներ, որոնք կարող են գրանցել և հետևել բեռնարկղերի ծագմանն ու նշանակությանը: Դա մտահոգություններ է առաջացնում, որ Չինաստանը կարող է տեղեկատվություն հավաքել նյութական միջոցների մասին, որոնք ուղարկվում են երկիր կամ արտահանվում այնտեղից՝ ամբողջ աշխարհում ԱՄՆ-ի կողմից ռազմական գործողությունների աջակցման համար»,- գրում է լրատվամիջոցը։
ԱՄՆ հակահետախուզության նախկին բարձրաստիճան պաշտոնյա Բիլ Էվանինի խոսքով՝ ամբարձիչները կարող են նաև հեռահար մուտք ապահովել նրանց համար, որոնք ցանկանում են խաթարել ապրանքների հոսքը։
«Դրանք կարող են դառնալ նոր Huawei-ներ։ Դա օրինական բիզնեսի կատարյալ համադրություն է, որը կարող է նաև դիմակավորվել գաղտնի հետախուզական հավաքագրման տակ»,- ասել է նա՝ նկատի ունենալով չինական ընկերությունը, որի սարքավորումներն ԱՄՆ իշխանություններն արգելել են՝ ամերիկացիներին լրտեսելու մտավախությունից ելնելով։
Վաշինգտոնում Չինաստանի դեսպանատան ներկայացուցիչը WSJ-ին ասել է, որ ամբարձիչների վերաբերյալ ԱՄՆ-ի մտահոգությունը Պեկինի հետ առևտրատնտեսական համագործակցությանը խոչընդոտելու փորձ է։
««Չինաստանի խաղաքարտը» խաղացնելը և «Չինաստանի սպառնալիքի» տեսությունը տարածելն անպատասխանատու է և կվնասի հենց Միացյալ Նահանգների շահերին»,- նշել են Չինաստանի դեսպանատնից։
Էմմա Չոբանյան
