16.08.2026 | 12:06
Հայ երկու բռնցքամարտիկները դուրս են եկել Սերբիայում ընթացող Եվրոպայի առաջնության 1/4 եզրափակիչ
Ուկրաինայի ԶՈւ օդաչուներն ուղարկվել են ԱՄՆ՝ արևմտյան ինքնաթիռներ վարելու հմտությունների ստուգման համար
Քաղաքականություն
06.03.2023 | 15:58
Ամերիկացի զինվորականները վերլուծում են ուկրաինացի օդաչուների հմտությունները և պոտենցիալ ուսումնական բազայի անհրաժեշտությունը՝ ժամանակակից արևմտյան ինքնաթիռներ վարելուն նախապատրաստման համար։ Այս մասին հայտնել է Ուկրաինայի Զինված ուժերի օդային հրամանատարության խոսնակ Յուրի Իգնատը, հայտնում է Ուկրինֆորմը։
«Խոսքը երկու օդաչուների մասին է։ ԱՄՆ-ում վերլուծում են ուկրաինացի օդաչուների պատրաստվածությունը, նրանց մարտական փորձը, գիտելիքները, որպեսզի հայեցակարգային կերպով հասկանան՝ որքան ժամանակ կպահանջվի, ինչպիսի ուսումնական նյութեր պետք կգան, ինչ հիմք ընտրել՝ նրանց հնարավոր հետագա ուսուցման համար այն ինքնաթիռների տեսակները վարելու համար, որոնք կորոշվեն ու որոնց մասին կհայտարարվի»,- ասել է Իգնատը։
Նա հիշեցրել է, որ F-16-երը դիտարկվում են որպես առավել հավանական թեկնածուներ, որպեսզի ապագայում դառնան Ուկրաինայի ԶՈՒ հիմնական մարտական ինքնաթիռ։
Տաթև Ֆռանգյան
