26.07.2026 | 11:50
Հրաձգության Հայաստանի հավաքականը հաղթել է շարժվող թիրախ մրցաձևի աշխարհի առաջնության մեդալային հաշվարկում
Ադրբեջանի ՊՆ-ն հայտնում է ԶՈՒ-ում հերթական կորստի մասին՝ այն անհիմն կապելով հայկական կողմի հետ
Քաղաքականություն
06.03.2023 | 12:22
Ադրբեջանի ՊՆ հայտնում է, որ զինծառայող Քյամրան Նամիզ օղլու Հուսեյնովը զոհվել է ծառայողական պարտականությունները կատարելիս մարտի 4-ին, իբր, «հայերի կողմից տեղադրված ականի վրա պայթելիս»։ Հուսեյնովը իրականում մահացել է, ոչ թե ականից, այլ Քարվաճառում ձնահոսքի տակ ընկնելու հետևանքով։ Այս մասին լրատվամիջոցներին հայտնել են հենց զինծառայողի հարազատները։ Նրան հուղարկավորել են մարտի 4-ին Նեֆթչալա քաղաքում, որտեղ ծնվել ու մեծացել է։
Ուշագրավ է, որ Ադրբեջանի ՊՆ-ն Հուսեյնովի մահվան մասին տեղեկատվությունը հրապարակել է նախօրեին, թեպետ մարտի 4-ին լրատվամիջոցներում ու համացանցում այդ մասին տեղեկատվություն տարածվել էր։ Եթե Հուսեյնովի մահվան լուրը տարածում չգտներ, Ադրբեջանի ՊՆ-ն այդ մասին ոչինչ էլ չէր հաղորդի։
Էմմա Չոբանյան
