09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
ՌԴ ՊՆ-ն պատմել է Շոյգուի՝ գրավված Մարիուպոլ կատարած այցի մասին
Քաղաքականություն
06.03.2023 | 11:55
ՌԴ ՊՆ-ն տեսանյութ է հրապարակել, որում ինչպես պնդում է գերատեսչությունը, Սերգեյ Շոյգուի ուղևորությունն է Ուկրաինայի գրավյալ Մարիուպոլ։ Նախարարությունը հայտնում է, որ այդ այցը «հատուկ ռազմական գործողության գոտի աշխատանքային ուղևորության» մի մասն է, գրում է Meduza-ն։
Տեսանյութում Շոյգուն նկարահանել են ուղղաթիռում, փողոցում, բժշկական կենտրոնի շենքում։ Նրան ուղեկցել են Արտակարգ իրավիճակների նախարարության համազգեստով մարդիկ, մի քանիսը զինված են եղել։ Ըստ գերատեսչության հաղորդագրության՝ Մարիուպոլում Շոյգուն ստուգել է ՌԴ պաշտպանության նախարարության ռազմաշինարարական համալիրի աշխատանքը «Դոնբասի ենթակառուցվածքների վերականգնման համար»։ Ըստ մամուլի հաղորդագրության, նախարարն այցելել է բազմաֆունկցիոնալ բժշկական կենտրոն, ինքնահռչակ Դոնցեկի Հանրապետության ԱԻՆ փրկարարական կենտրոն և նոր միկրոշրջան։ Շոյգուն լսել է նաև զեկույց ՌԴ Ռոստովի մարզը և Դոնեցկը միացնող ամենամեծ ջրատարի կառուցման մասին:
Էմմա Չոբանյան
