18.05.2024 | 20:00
Ճանապարհից հետ է ընկել․ օրեր անց փրկարարները գտել են սպանված. ՏԵՍԱՆՅՈՒԹ
ԱՄՆ պետքարտուղարի՝ Կովկասյան բանակցությունների գծով խորհրդականը ժամանել է Բաքու
Քաղաքականություն
06.03.2023 | 11:14
ԱՄՆ պետքարտուղարի՝ Կովկասյան բանակցությունների գծով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոն ժամանել է Բաքու։ Այս մասին հայտնում են ադրբեջանական լրատվամիջոցները՝ վկայակոչելով Բաքվում ԱՄՆ դեսպանատանը։ «Բոնոն Բաքվում է՝ Հայաստանի և Ադրբեջանի միջև խաղաղ գործընթացն առաջ մղելու նպատակով»,-ասվում է հաղորդագրության մեջ։
Այցի շրջանակներում Բոնոն բանակցություններ է անցկացնելու Ադրբեջանի նախագահ Իլհամ Ալիևի ու այլ պաշտոնյաների հետ։ Ամերիկացի պաշտոնյայի այցը տարածաշրջանային է։ Բաքվից հետո նա կայցելի նաև Երևան ու Թբիլիսի։ Ի դեպ, բանակցությունների նպատակով Բաքվում է նաև Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը։
Էմմա Չոբանյան
