07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ռուսաստանի նավթի և գազի եկամուտները հունվարին կրճատվել են գրեթե 40%-ով
Քաղաքականություն
05.03.2023 | 13:46
Հունվարին Ռուսաստանի նավթի և գազի արտահանման եկամուտները տարեկան կտրվածքով նվազել են գրեթե 40 տոկոսով, ինչը արտացոլում է երկրի վրա արևմտյան պատժամիջոցների ճնշումը: Այս մասին գրում է «Ամերիկայի ձայն»-ը՝ հղում անելով Reuters գործակալությանը։
Այս մասին հայտնում է Միջազգային էներգետիկ գործակալությունը։
Ըստ գործակալության՝ Ռուսաստանից նավթի և գազի արտահանումից ստացվել է 18,5 մլրդ դոլար, որը 38%-ով պակաս է անցյալ տարվա հունվարի 30 մլրդ դոլար ցուցանիշից:
Սա խոսում է այն մասին, որ արեւմտյան պատժամիջոցները ցանկալի ազդեցություն են ունենում ռուսական տնտեսության վրա։ Ըստ երևույթին, հատուկ դեր են խաղացել ԵՄ արգելքները և ռուսական նավթի 60 դոլար գնի առաստաղը, որը սահմանվել է 2022 թվականի վերջին։
«Մենք ակնկալում ենք, որ առաջիկա ամիսներին նավթի և գազի եկամուտներն ավելի կտրուկ կնվազեն: Եվ նույնիսկ ավելի կտրուկ միջնաժամկետ հեռանկարում՝ տեխնոլոգիաների և ներդրումների հասանելիության բացակայության պատճառով», – Reuters-ին ասել է ՄԷԳ-ի ղեկավար Ֆաթիհ Բիրոլը:
