15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Թուրքիայի ռազմական գործողությունները Սիրիայում Մանբիչով չեն ավարտվի
Քաղաքականություն
20.06.2018 | 13:06
Թուրքիայի վարչապետ Բինալի Յըլդըրըմն Իզմիր քաղաքում մամուլի ներկայացուցիչների հետ հանդիպման ժամանակ հայտնել է, թե որոնք են լինելու պաշտոնական Անկարայի հաջորդ թիրախները Մանբիչից հետո Սիրիայում. տեղեկացնում է ermenihaber-ը:
Նախօրեին Թուրքիայի բանակի ստորաբաժանումները ներխուժել էին Մանբիչ, որպեսզի այն ազատեին Սիրիայի քրդական ուժերից։
Թուրքիայի վարչապետի խոսքերով՝ Մանբիչից հետո իրենց հաջորդ նպատակը լինելու է Քոբանի, Ղամըշլի, Հասեքե շրջաններ մտնելը, որոնք նույնպես հիմա քրդերի վերահսկողության տակ են։
«Մեր նպատակն է Սիրիայում, Իրաքում, Քանդիլում շարունակել անողոք պայքարը ահաբեկչության դեմ։ Ահաբեկչությանը վերջ դնելու համար իրականացրեցինք «Եփրատի վահան» և «Ձիթենու ճյուղ» օպերացիաները։ Այժմ այդ նույն նպատակով Մանբիչում ենք։ Ուր էլ ահաբեկիչները փախչեն, մենք նրանց կվերացնենք։ Քոբանիում, Ղամիշլիում, Հասեքեյում «Քուրդիստանի բանվորական կուսակցության» (ՔԲԿ-PKK) սիրիական թևը ԱՄՆ-ի ռազմական աջակցությամբ ամրապնդվեց։ Մանբիչից հետո նպատակադրված ենք այդ շրջանները անվտանգ դարձնել»։
