15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Խաղաղության պայմանագրի տեքստում կան ձևակերպումներ, որոնցից կարող է բխել ռազմական բախում․ Վիգեն Խաչատրյան․ ՏԵՍԱՆՅՈՒԹ
Քաղաքականություն
03.03.2023 | 18:44
Ազգային ժողովի իշխանական պատգամավոր Վիգեն Խաչատրյանը Factor.am-ի հետ զրույցում անդրադարձել է Գերմանիայի կանցլերի հայտարարությանը՝ շեշտելով, եթե Շոլցը Արցախը չհամարեր Ադրբեջանի մաս՝ չէր խոսի տարածքային ամբողջականությունից։
Հիշեցնենք՝ Գերմանիայում է Հայաստանի վարչապետ Նիկոլ Փաշինյանը։ Նա երեկ հանդիպում է ունեցել կանցլեր Օլաֆ Շոլցի հետ։ Համատեղ ասուլիսի ընթացքում Շոլցը կարևորել է Լեռնային Ղարաբաղի ժողովրդի ինքնորոշման իրավունքը՝ միևնույն ժամանակ շեշտելով, որ այն հավասարազոր է տարածքային ամբողջականության հետ։
«Մենք մտահոգված ենք Հայաստանի և Ադրբեջանի սահմանին անկայունությամբ և Լեռնային Ղարաբաղում սրվող հումանիտար իրավիճակի կապակցությամբ: Ստատուս քվոն չի կարող շարունակվել, և պետք է հանգել երկարաժամկետ լուծման` ի բարօրություն մարդկանց: Այս առումով անհրաժեշտ է հասնել խաղաղ հանգուցալուծման Հայաստանի և Ադրբեջանի տարածքային ամբողջականության, ինչպես նաև Լեռնային Ղարաբաղի քաղաքացիների ինքնորոշման տեսանկյունից: Ընդ որում, այս բոլոր սկզբունքները հավասարազոր են», – ասել էր կանցլերը։
«Եթե Գերմանիայի կանցլերը չհամարեր, որ Արցախը Ադրբեջանի մաս է, չէր խոսի տարածքային ամբողջականությունից։ Ուրեմն մենք խնդիր ունենք։
Մենք էլ ենք շահագրգռված, որ իքնորշման և տարածքային ամբողջականության սկզբունքները հարգվեն, չհակադրվեն, և մենք կարողանանք երաշխավորել արցախցիների ապագան՝ իրենց պատմական հայրենիքում։
Երբ որ մենք քննարկում ենք Արցախի անվտանգության հարցը և միջազգային երաշխիքներ ենք պահանջում, դրանից բխում է նաև կարգավիճակը, դա ժամանակի հարց է։ Կարելի է ողջունել Գերմանիայի կանցլերի դիրքորշումը, որը համընկնում է մեր դիրքորոշման հետ»,- նշեց Խաչատրյանը։
Մանրամասները՝ տեսանյութում։
