14.12.2024 | 15:31
Ավազակային հարձակում, սպանություն և սպանության փորձ կատարած ոստիկանության գնդապետը ցմահ ազատազրկվեց. Գլխավոր դատախազություն
Փախստականների համաշխարհային օրը մենք բոլորս պետք է մտածենք, թե ավել ի՞նչ կարող ենք անել օգնելու համար. ՄԱԿ-ի գլխավոր քարտուղար
Քաղաքականություն
20.06.2018 | 11:44
ՄԱԿ-ի գլխավոր քարտուղար Անտոնիու Գուտերեշը ուղերձ է հղել Փախստականների համաշխարհային օրվա առթիվ: Ուղերձը՝ ստորև.
Ի՞նչ կանեիք, եթե ստիպված լինեիք լքել ձեր տունը։ Այսօր աշխարհում ավելի քան 68 միլիոն մարդ փախստական կամ ներքին տեղահանված է դարձել հակամարտության կամ հետապնդման արդյունքում։
Դա հավասար է աշխարհի 20-րդ խոշորագույն երկրի բնակչության թվին։
Անցյալ տարի յուրաքանչյուր երկու վայրկյանում մեկ մարդ էր տեղահանվում։Մեծամասամբ, ավելի աղքատ երկրներում։ Փախստականների համաշխարհային օրը մենք բոլորս պետք է մտածենք, թե ավել ի՞նչ կարող ենք անել օգնելու համար։
Պատասխանը սկսվում է միասնությունից և համերաշխությունից։
Ես խորապես մտահոգված եմ՝ տեսնելով ավելի ու ավելի շատ իրավիճակներ, երբ փախստականները չեն ստանում անհրաժեշտ պաշտպանություն, որի իրավունքն ունեն: Մենք պետք է վերահաստատենք փախստականների միջազգային պաշտպանության ռեժիմի միասնականությունը։
Այսօրվա աշխարհում ոչ մի համայնք կամ երկիր, որ անվտանգ ապաստան է տրամադրում պատերազմից կամ հետապնդումից փախած մարկանց, չպետք է մնա միայնակ և անաջակից։ Կանգնում ենք միասին, կամ ձախողում ենք։
Այս տարի Փախստականների համաշխարհային համաձայնագիրը կներկայացվի ՄԱԿ-ի Գլխավոր վեհաժողովում։Այս համաձայնագրով նախատեսվում է ճանաչել հյուրընկալող համայնքներում փախստականների ունեցած ներդրումները։
Քանի դեռ կան պատերազմներ և հետապնդումներ, կշարունակեն լինել փախստականներ։
Փախստականների համաշխարհային օրը խնդրում եմ ձեզ հիշել նրանց։ Նրանց պատմությունը դիմացկունությունն է, համբերատարությունը և խիզախությունը։Մերը պատմությունը պետք է լինի համերաշխությունը, կարեկցանքը և գործողությունը։
Շնորհակալություն։
