05.11.2024 | 11:45
Մենք աջակցում ենք հարաբերություններում նոր էջ բացելու՝ Ադրբեջանի և Հայաստանի ձգտումներին. Տոկաև
Վաշինգտոնում Բայդեն-Շոլց բանակցությունների հիմնական թեման Չինաստանի հնարավոր գործողությունները կլինեն
Քաղաքականություն
03.03.2023 | 20:40
Գերմանիայի կանցլեր Օլաֆ Շոլցն ուրբաթ կժամանի Վաշինգտոն, որտեղ բանակցություններ կվարի ԱՄՆ նախագահ Ջո Բայդենի հետ, գրում է BBC-ի ռուսական ծառայությունը։
Հանդիպմանը քննարկվելու են Ուկրաինային աջակցության և Չինաստանի գործողությունների հարցերը։ ԱՄՆ-ը մտավախություններ ունի, որ Պեկինը կարող է ռազմական օգնություն ցուցաբերել Ռուսաստանին։
«Այս հանդիպման գլխավոր նպատակը երկու երկրների ղեկավարներին հնարավորություն տալն է՝ համակարգել գործողությունները կոնկրետ Ուկրաինայի հարցով»,- ասել է Սպիտակ տան ներկայացուցիչը։
Անցյալ շաբաթ ամերիկյան ԶԼՄ-ները, հղում անելով սեփական աղբյուրներին, հայտնել էին, որ Չինաստանի կառավարությունը դիտարկում է Ուկրաինայի դեմ պատերազմի համար ՌԴ-ին անօդաչուների ու սպառազինության տրամադրման հնարավորությունը։
Պենտագոնում հայտարարել են, որ հնարավոր ամեն ինչ անում են՝ դա թույլ չտալու համար։
Տաթև Ֆռանգյան
