16.08.2026 | 12:06
Մեր երկու բռնցքամարտիկները դուրս են եկել Սերբիայում ընթացող Եվրոպայի առաջնության 1/4 եզրափակիչ
Ալիևը ՄԱԳԱՏԷ-ի ղեկավարին բողոքել է Մեծամորի ԱԷԿ-ից
Քաղաքականություն
02.03.2023 | 19:13
Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսին այսօր հանդիպել է Ադրբեջանի նախագահ Իլհամ Ալիևին։ Վերջինը բողոքել է Հայաստանի ատոմակայանի գործունեությունից։
Ադրբեջանական լրատվականների հաղորդմամբ՝ Ալիևը նշել է, թե Մեծամորի ատոմակայանը, իբր, մեծ վտանգ է ներկայացնում Ադրբեջանի, Թուրքիայի, Հայաստանի և ամբողջ տարածաշրջանի համար։ Նա ասել է, թե ՀԱԷԿ-ը, իբր, «աշխատում է հին տեխնոլոգիայով, ունի լուրջ տեխնիկական խնդիրներ», նաև ընդգծել, թե մտահոգիչ է Մեծամորի կայանից որոշ միջուկային նյութերի ապօրինի առևտուրը։
Հավելենք, սակայն, որ 2022 թվականի հոկտեմբերին Ռաֆայել Գրոսսին անձամբ էր այցելել Մեծամորի ատոմակայան ու բարձր գնահատել կայանի աշխատանքը։
«Հայաստանի տնտեսությունը հենված է Մեծամորի ատոմային էլեկտրակայանի վրա, և Ատոմային էներգիայի միջազգային գործակալությունը շարունակելու է իր աջակցությունն առաջարկել՝ օգնելու ատոմակայանին ցածր ածխածնային էներգիան մատակարարել ապահով և անվտանգ կերպով։ Ուրախ եմ տեսնել Մեծամորում արված անվտանգային բարեփոխումները, տպավորված եմ նվիրված անձնակազմի հանձնառությամբ»,- գրել էր Գրոսսին թվիթերյան իր էջում։
Էմմա Չոբանյան
