24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Մոլդովայի խորհրդարանը դատապարտել է ՌԴ ագրեսիան ընդդեմ Ուկրաինայի
Քաղաքականություն
02.03.2023 | 20:41
Մոլդովայի խորհրդարանը հռչակագիր է ընդունել, որով դատապարտում է ռուսական ագրեսիան Ուկրաինայում։ Այս մասին գրում է NewsMaker-ը։
Փաստաթղթում ընդգծվում է, որ 2014 թվականից Ռուսաստանն ապօրինի, չհրահրված և չարդարացված ագրեսիվ պատերազմ է վարում Ուկրաինայի դեմ, որը վերաճել է լայնամասշտաբ ներխուժման 2022 թվականի փետրվարի 24-ին։
Մոլդովացի խորհրդարանականները Ռուսաստանի Դաշնության գործողություններն անվանել են «ռազմական հանցագործություն» և «միջազգային իրավունքի սկզբունքների կոպտագույն խախտում»։ Մոսկվային կոչ է արվել անհապաղ դադարեցնել ռազմական գործողություններն Ուկրաինայում և դուրս բերել ուժերն ու զինտեխնիկան երկրի՝ միջազգայնորեն ճանաչված ամբողջ տարածքից:
Նշվում է, որ հռչակագիրն ընդունվել է հինգշաբթի կայացած նիստում՝ «Գործողություն և համերաշխություն» կուսակցության խորհրդարանական մեծամասնության պատգամավորների ներկայությամբ։ Կոմունիստների և սոցիալիստների դաշինքը, ի նշան բողոքի, լքել է դահլիճը։
«Շոր» կուսակցության պատգամավորները նիստին չեն մասնակցել։
Տաթև Ֆռանգյան
