Քաղաքականություն
02.03.2023 | 18:52
G20-ի ԱԳ նախարարների գագաթնաժողովի մասնակիցներն ամփոփիչ կոմյունիկեի շուրջ համաձայնության են եկել՝ առանց Ուկրաինայի վերաբերյալ դիրքորոշման, քանի որ ՌԴ-ն և Չինաստանը առարկություններ են ունեցել, գրում է Time-ը։
«G-20-ի արտգործնախարարները չեն կարողացել համաձայնության գալ Ուկրաինայի դեմ ՌԴ պատերազմի շուրջ»,- հայտարարել է Հնդկաստանի ԱԳՆ ղեկավար Սուբրամանիյամ Ջայշանկարը լրագրողների հետ զրույցում։
Նա նշել է, որ այդ կապակցությամբ երկօրյա հանդիպման ավարտին, պաշտոնական համատեղ հայտարարության փոխարեն, վերջնական փաստաթուղթ կհրապարակվի։
Հիշեցնենք, որ ավելի վաղ Reuters գործակալությունը հայտնել էր, որ G20-ի նախագահության ժամանակահատվածում Հնդկաստանը չի ցանկանում քննարկել Ռուսաստանի դեմ նոր պատժամիջոցները:
Տաթև Ֆռանգյան
