16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
G20-ի գագաթնաժողովը ՌԴ-ից պահանջում է երկարաձգել հացահատիկային գործարքը
Քաղաքականություն
02.03.2023 | 18:00
Ուկրաինայի պատերազմը դարձել է Դելիում G20-ի գագաթնաժողովի գլխավոր թեման՝ չնայած հյուրընկալողի մտադրություններին՝ ավելի մեծ ուշադրություն դարձնել զարգացող երկրների խնդիրներին, գրում է BBC-ի ռուսական ծառայությունը։
Հանդիպման մասնակիցները միակարծիք են եղել, որ Ռուսաստանը պետք է դուրս բերի իր զորքերն Ուկրաինայից՝ հանուն խաղաղության և համաշխարհային տնտեսական կայունության վերականգնման։
ԱՄՆ պետքարտուղար Էնթոնի Բլինքենը Ռուսաստանից պահանջել է երկարաձգել, այսպես կոչված, հացահատիկային գործարքը։ Թուրքիայի և ՄԱԿ-ի միջնորդությամբ կնքված համաձայնությունն ավարտվում է մարտին։
Սակայն ՌԴ ԱԳ նախարար Սերգեյ Լավրովն ասել է, որ Արևմուտքն ինքն է թաղել այդ գործարքն իր գործողություններով։ Մասնավորապես, Մոսկվան վրդովված է, որ ռուսական ապրանքների (հատկապես՝ պարարտանյութերի) արտահանման նկատմամբ սահմանված պատժամիջոցները մնում են նույնը։
Հացահատիկային գործարքի պայմանների կատարումն ու երկարաձգումը չափազանց կարևոր է պարենային ապրանքների համաշխարհային գները զսպելու և սննդի պակասի դեմ պայքարելու համար, ինչը հատկապես ազդում է աղքատ երկրների վրա:
Պատերազմի սկզբից Ռուսաստանը Սև ծովի նավահանգիստներում արգելափակել է ուկրաինական ապրանքները, հիմնականում՝ հացահատիկն ու եգիպտացորենը, ինչը մեծ խնդիրներ է առաջացրել համաշխարհային շուկայում։ Բլինքենն ասել է, որ Ռուսաստանն օգտագործում է հացահատիկային գործարքը որպես ճնշման գործիք և վերջին ամիսներին համակարգված ու նպատակաուղղված խախտում է դրա պայմանները:
Տաթև Ֆռանգյան
