12.01.2025 | 14:16
Առաջիկա օրերին օդի ջերմաստիճանն էապես չի փոխվի
Ուկրաինայի պատերազմից ի վեր առաջին անգամ Բլինքենն ու Լավրովը կարճ հանդիպում են ունեցել
Քաղաքականություն
02.03.2023 | 16:34
ԱՄՆ պետքարտուղար Էնթոնի Բլիքենն ու ՌԴ ԱԳ նախարար Սերգեյ Լավրովը կարճ հանդիպում են ունեցել G-20-ի ԱԳ նախարարների գագաթնաժողովի շրջանակում: Սա երկու երկրների միջև նման առաջին շփումն է ուկրաինական պատերազմի մեկնարկից ի վեր, գրում է AP-ն։
Ամերիկացի պաշտոնյաներն ասում են, որ Բլինքենը և Լավրովը շուրջ 10 րոպե զրուցել են Նյու Դելիում G-20 համաժողովի շրջանակում: Կարճատև հանդիպումը տեղի է ունենում Վաշինգտոնի և Մոսկվայի հարաբերությունների կտրուկ սրման պայմաններում՝ մինչ Ուկրաինայի հետ Ռուսաստանի պատերազմի շուրջ լարվածությունն աճում է։
Ամերիկացի բարձրաստիճան պաշտոնյան ասել է, որ Բլինքենն օգտագործել է քննարկումը՝ Լավրովին երեք կետ նշելու համար. ԱՄՆ-ը կաջակցի Ուկրաինային հակամարտությունում այնքան ժամանակ, որքան կպահանջվի պատերազմն ավարտին հասցնելու համար, Ռուսաստանը պետք է չեղարկի իր որոշումը՝ դադարեցնելու մասնակցությունը միջուկային պայմանագրին, և որ Մոսկվան պետք է ազատ արձակի կալանավորված ամերիկացի Փոլ Ուելանին։
Պաշտոնյան, որը խոսել է լրագրողների հետ անանունության պայմանով, ասել է, որ Բլինքենը համոզել է Լավրովին, որ չկա որևէ միտք, որ ԱՄՆ-ն տատանվում է Ուկրաինային աջակցելու հարցում։
Միաժամանակ, պաշտոնյան հրաժարվել է մանրամասնել Լավրովի պատասխանը, սակայն ասել է, որ Բլինքենի մոտ տպավորություն չի ստեղծվել, որ մոտ ապագայում Ռուսաստանի վարքագծի մեջ որևէ փոփոխություն կլինի:
Էմմա Չոբանյան
