18.05.2026 | 13:34
Ալեն Սիմոնյանի ճեպազրույցը՝ ՈւՂԻՂ
Կարբի համայնքում բնակիչները պարեկին բռնել են բնակարանային գողություն կատարելու փորձի ժամանակ
Հասարակություն
02.03.2023 | 15:17
Կարբի համայնքում բնակարանային գողություն կատարելու փորձի ժամանակ գյուղի բնակիչները բռնել է մեկ անձի, որը, Factor.am-ի հավաստի տեղեկություններով, Ոստիկանության պարեկային ծառայության աշխատակից է։
Քննչական կոմիտեի մամուլի քարտուղար Գոռ Աբրահամյանը մեզ հետ զրույցում ասաց, որ նշված անձն ունի կոտրվածքներ, որոնք, ըստ նախնական տեղեկությունների, ստացել է բնակարանից դուրս գալիս վայր ընկնելու հետևանքով։
Բռնված անձը տեղափոխվել է հիվանդանոց։ Գոռ Աբրահամյանի խոսքով՝ նա ձերբակալված է, դեպքի առթիվ նախաձեռնվել է քրեական վարույթ՝ բնակարան ապօրինի մուտք գործելու միջոցով գողության փորձ կատարելու հոդվածով։
Պարեկին բնակիչների կողմից բռնելու օրը Կարբիում, ինչպես նաև հարակից գյուղում, բնակարանային գողություն կատարելու վերաբերյալ ևս երկու հաղորդում է ստացվել։ ՔԿ խոսնակի տեղեկացմամբ՝ կան նախնական տվյալներ, որ դրանք, հնարավոր է, կատարված լինեն նույն անձի կողմից։
Արաքս Մամուլյան
