04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
ՌԴ Անվտանգության խորհուրդն արտակարգ նիստ է գումարում
Քաղաքականություն
02.03.2023 | 15:25
Ռուսաստանի Անվտանգության խորհուրդն արտակարգ նիստ է գումարելու՝ քննարկելու Ուկրաինային սահմանակից Բրյանսկում ստեղծված իրավիճակը, գրում է BBC-ի ռուսական ծառայությունը։
Radio Mayak-ը, վկայակոչելով Պետդումայում սեփական աղբյուրներին, հաղորդում է, որ ՌԴ նախագահ Վլադիմիր Պուտինը հանդիպումը պետք է անցկացնի «առաջիկա մի քանի ժամվա ընթացքում»։
Իրավապահ մարմիններին մոտ կանգնած աղբյուրն էլ «Layout»-ին հայտնել է, որ հանդիպումն արդեն ընթանում է տեսակոնֆերանսի ձևաչափով։
Պետդումայի պաշտպանության կոմիտեի անդամ, պատգամավոր Անդրեյ Գուրուլևը RTVI-ին հաստատել է, որ հանդիպումը տեղի կունենա այսօր ավելի ուշ։
«Դա կկայանա այսօր, ժամը դեռ հայտնի չէ»,- ասել է Գուրուլևը։
Բրյանսկի շրջանի իշխանություններն ավելի վաղ հայտարարել էին, որ «շրջան են մտել ուկրաինացի դիվերսանտներ»։ Մարզում արդեն այս շաբաթվա մեջ երկրորդ անգամ նաև անօդաչու թռչող սարք է ընկել։
Տաթև Ֆռանգյան
