14.09.2026 | 19:44
Երևանում մեկնարկել է կայուն տրանսպորտային միջանցքներին նվիրված աշխատաժողով
Իտալիայի նախկին վարչապետը կկանգնի դատարանի առաջ՝ կորոնավիրուսից մահվան բարձր ցուցանիշի պատճառով
Քաղաքականություն
02.03.2023 | 21:36
Իտալիայի նախկին վարչապետ Ջուզեպպե Կոնտեն կորոնավիրուսի համաճարակի առաջին ամիսներին երկրի իշխանությունների գործողությունների վերաբերյալ քրեական գործով կասկածյալի կարգավիճակ է ստացել, հայտնում է La Repubblica թերթը։ Ըստ քննիչների՝ կառավարությունը ժամանակին միջոցներ չի ձեռնարկել Բերգամոյի մի շարք բնակավայրերում կարանտին մտցնելու համար, որտեղ գրանցվել է մահացության ամենաբարձր ցուցանիշներից մեկը, գրում է News.ru-ն։
Ընդհանուր առմամբ, այս քրգործով մեղադրյալ է դարձել մոտ 20 մարդ, այդ թվում՝ առողջապահության նախկին նախարար Ռոբերտո Սպերանզան և նախարարության մի շարք այլ պաշտոնյաներ, որոնցից մի քանիսը մինչ այժմ զբաղեցնում է պաշտոնները։
Համավարակի սկզբում Իտալիայի իշխանությունների գործողությունների հետաքննությունը տևել է մոտ երեք տարի։ Բացի նախկին վարչապետից և առողջապահության նախարարից՝ գործով մեղադրյալներ են դարձել նաև Լոմբարդիայի նահանգապետ Ատիլիո Ֆոնտանան և Իտալիայի առողջապահության բարձրագույն ինստիտուտի ղեկավար Սիլվիո Բրուզաֆերոն։
Բերգամո քաղաքի դատախազությունը կարծում է, որ իշխանությունները թերագնահատել են կորոնավիրուսի բռնկման վտանգը, որն արդյունքում հանգեցրել է հիվանդացության կտրուկ աճի։
Տաթև Ֆռանգյան
