14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Արգենտինայում ԱԷԿ-ում վթարի պատճառով 20 միլիոն մարդ մնացել է առանց էլեկտրականության
Քաղաքականություն
02.03.2023 | 17:07
Արգենտինայում շուրջ 20 միլիոն մարդ մնացել է առանց էլեկտրականության Ատուչայի ատոմակայանում տեղի ունեցած վթարի և հարակից տարածքում բռնկված հրդեհի պատճառով։ Բուենոս Այրեսի և մի քանի շրջանների սպառողների 40%-ը մնացել է առանց էլեկտրաէներգիայի, հայտնում է La Nacion-ը։
Խափանումը տեղի է ունեցել բարձրավոլտ էլեկտրահաղորդման գծի վրա վթարի հետևանքով։ Վթարի պատճառը մոտակայքում բռնկված հրդեհն է։
Nucleoelectrica պետական ընկերությունը, որը պատասխանատու է ատոմակայանի շահագործման համար, հաստատել է, որ այն չի աշխատում «ցանցի հետ կապված խնդիրների» պատճառով։
Ատոմակայանը կկարողանա վերսկսել աշխատանքը ոչ շուտ, քան 48 ժամ անց։ Մինչ այժմ երկրում էլեկտրաէներգիայի արտադրությունը նվազել է 10 հազար ՄՎտ-ով։ Սովորաբար այն հասնում է 25,000 ՄՎտ-ի, նշել է կազմակերպությունը։
Երկրի Էներգետիկայի նախարարությունը հաստատել է, որ «էներգահամակարգում մի քանի խափանումներ են գրանցվել»։ Գերատեսչությունից պարզաբանել են, որ հետաքննում են պատճառները և աշխատում են անսարքությունների վերացման ուղղությամբ։
Տաթև Ֆռանգյան
