08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ստամբուլում ոստիկանությունը ցրել է կառավարության հրաժարականը պահանջող ցույցի մասնակիցներին
Քաղաքականություն
02.03.2023 | 16:06
Ստամբուլում ոստիկանությունը ցրել է Քադըքյոյ թաղամասում անցկացվող բողոքի ցույցը, որի մասնակիցները բողոքել են փետրվարի 6-ին Թուրքիայում 45,000 մարդու կյանք խլած երկրաշարժից հետո կառավարության կողմից օգնության անբավարար ջանքերի դեմ, գրում է Gercek News-ը։
Ձախ կուսակցության առնվազն 77 անդամներ բերման են ենթարկվել այն բանից հետո, երբ վանկարկել են «Կառավարությունը պետք է հրաժարական տա» կարգախոսը։ Ոստիկանությունը հայտարարել է, որ հավաքն արտոնված չէ, սակայն կուսակցությունից նշել են, որ այն անցկացնելու իրավունք ունեն։
Սոցիալական ցանցերում տարածված տեսանյութերում երևում է, թե ինչպես են ականատեսները ծափահարում ի նշան համերաշխության, երբ ոստիկանները ցրում են ցույցը: Իրավապահները ձերբակալել են ցուցարարներին և նստեցրել ոստիկական ավտոբուս։
«Որպես այս երկրի հեղափոխականներ՝ մենք փողոցում ենք, քանի դեռ չեք հեռացել, քանի դեռ հաշիվ չենք պահանջել յուրաքանչյուր կորած հոգու համար»,- ասվում է կուսակցության թվիթերյան գրառման մեջ։
Էմմա Չոբանյան
