09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
Կլիմայական փոփոխությունները բերում են նրան, որ ցածրադիր գոտիներում ապրելն ավելի դժվարանալու է․ Քերոբյան․ ՏԵՍԱՆՅՈՒԹ
Տեսանյութեր
02.03.2023 | 12:01
Արագած լեռան լանջին լեռնադահուկային ու էկոգյուղատնտեսական նոր համալիր կստեղծվի։ Այս մասին Կառավարության այսօրվա նիստում հայտնեց Էկոնոմիկայի նախարար Վահան Քերոբյանը։
Նախարարի խոսքով՝ նախածգով 4400 հեկտար տարածքի վրա ստեղծվելու է էկոգյուղատնտեսական նոր գյուղ՝ 300 մինիֆերմաներով, հյուրատներով։
«Կկառուցվի նաև 3 միլիոն խորանարդ մետր տարողությամբ ջրամբար, որպեսզի գյուղատնտեսական համալիրն ունենա ջրի հասանելիություն։ Կառուցվելու է նաև լեռնադահուկային համալիր՝ ճոպանուղիների 5 գծերով, մոտ 30 կիլոմետր սահուղիներով, կառուցվելու է 25 հազար 260 քմ ճանապարհ ու 104 հազար 920 քմ բակային ճանապարհ։ Ներդրումային ընդհանուր ծավալը կազմելու է 190 միլիոն դոլար»,- նշեց Քերոբյանը։
Նախարարը նշեց, որ այս ծրագիրը դեռ 2018 թվականին է ներկայացվել քննարկման, 2020 թվականի մարտին կնքվել է փոխըմբռնման հուշագիր, սակայն պատերազմի ու կորոնավիրուսի հետևանքով 2021-ի օգոստոսին է վարչապետ Նիկոլ Փաշինյանի հանձնարարականով ստեղծվել հանձնաժողով, որը որոշում է կայացրել հավանություն տալ հենց այս նախագծին։
Քերոբյանը պարզաբանեց, որ կլիմայական փոփոխությունները բերում են նրան, որ Հայաստանի ցածրադիր գոտիներում ապրելն ավելի դժվարանալու է, այդ իսկ պատճառով այսպիսի մոդելային միջավայրեր ստեղծելու կարիք կա։
Մանրամասները՝ տեսանյութում։
