16.08.2026 | 12:06
Մեր երկու բռնցքամարտիկները դուրս են եկել Սերբիայում ընթացող Եվրոպայի առաջնության 1/4 եզրափակիչ
Երբ ասում ես Արցախը երկխոսի, բա դու ո՞վ էիր, որ ստորագրեցիր և տարածքներ հանձնեցին. Մինասյանը՝ Փաշինյանին․ ՏԵՍԱՆՅՈՒԹ
Քաղաքականություն
02.03.2023 | 11:45
«Այն, ինչ արեց Ադրբեջանի հանցագործ նախագահը Մյունխենի համաժողովի ժամանակ, ոչ այլ ինչ էր, քան հայ ժողովրդի վզին փաթաթել Փաշինյանի իշխանության դավադիր, կապիտուլյացիոն ելքը։ Դա հետևանքն է այն բանի, որ ՀՀ իշխանությունը քաղաքացիներին ու միջազգային հանրությանը ներկայացնում է, թե մենք հաշտվել ենք դառը իրականության հետ, Արցախը կորցնելու հետ, ՀՀ-ն պաշտպանելու անկարողության հետ»,- խորհրդարանական ճեպազրույցում այսօր ասաց «Հայաստան» խմբակցության պատգամավոր Արծվիկ Մինասյանը՝ անդրադառնալով Մյունխենի անվտանգության համաժողովի քննարկումներին։
Ընդդիմադիր պատգամավորի գնահատմամբ՝ 2020թ․-ի նոյեմբերի իննի եռակողմ փաստաթղթով Նիկոլ Փաշինյանն արդեն իսկ Արցախի տարածքներն Ադրբեջանին թողնելու հանցագործ վարքագիծ դրսևորեց։
«Ո՞վ է Նիկոլ Փաշինյանը, որ պետք է ստորագրի Արցախի տարածքներն Ադրբեջանին հանձնելու փաստաթուղթ։ Ի՞նչ իրավասությամբ նա դա արեց։ Հիմա, երբ ձեռքերը լվանում է և ասում, որ Արցախը պետք է բանակցի, բա դու ո՞վ էիր, որ ստորագրեցիր դա և երկու կյանքի ճանապարհ հանձնեցիր ու փոխանցեցիր։ Ուստի երբ խոսում են երկրորդ կապիտուլյացիայի մասին մասին, սա արդեն կապիտուլյացիա չէ, չգիտեմ ինչ է։ Բայց Արցախին անպաշտպան թողնել գայլային ոհմակների մեջ և հիմնավորել, թե Արցախն է բանակցելու կամ արցախահայությունն է որոշելու՝ ինչպես շարժվել առաջ, սա նշանակում է կրկնակի, եռակի դավաճանություն գործել»,- նշեց Մինասյանը։
Մանրամասները՝ տեսանյութում։
