16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ-ը դաշնակիցների հետ քննարկում է Չինաստանի դեմ հնարավոր պատժամիջոցների հարցը, եթե Պեկինը պատերազմում օգնի Մոսկվային
Քաղաքականություն
02.03.2023 | 14:10
ԱՄՆ-ը դաշնակիցների հետ քննարկում է Չինաստանի նկատմամբ հնարավոր նոր պատժամիջոցների սահմանման հարցը, եթե Պեկինն ուկրաինական պատերազմում օգնի Մոսկվային։ Այս մասին հայտնում է Reuters գործակալությունը՝ վկայակոչելով ամերիկացի 4 պաշտոնյայի, գրում է BBC-ի ռուսական ծառայությունը։
ԱՄՆ-ը ցանկանում է ստանալ մի շարք երկրների աջակցությունը, հատկապես՝ G7-ի, որպեսզի համակարգի Չինաստանի նկատմամբ ցանկացած հնարավոր սահմանափակումների հետ կապված աջակցությունը: Կոնկրետ ի՞նչ պատժամիջոցներ է առաջարկելու Վաշինգտոնը, դեռևս պարզ չէ։
Լրատվամիջոցը նշում է, որ վերջին շաբաթներին Վաշինգտոնը հայտարարել է, որ Չինաստանը դիտարկում է Ռուսաստանին զենքի մատկարարումների հնարավորությունը, սակայն Պեկինը դա հերքում է։
Երկրներից մեկի պաշտոնյան, որի հետ Վաշինգտոնը խորհրդակցել է, Reuters-ին ասել է, որ իրենք տեսել են միայն սակավ հետախուզական տվյալներ, որոնք կարող են հաստատել պնդումները, թե Չինաստանը դիտարկում է Ռուսաստանին ռազմական օգնության հնարավորությունը։ Սակայն ԱՄՆ պաշտոնական ներկայացուցիչը հայտարարել է, որ իրենք դաշնակիցներին մանրամասն հետախուզական հաշվետվություններ են տրամադրում։
Էմմա Չոբանյան
