24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Հնդկաստանում հայտարարել են G20-ում ճգնաժամային հարցերի շուրջ կարծիքների կտրուկ տարբերության մասին
Քաղաքականություն
02.03.2023 | 14:39
Հնդկաստանի արտգործնախարար Սուբրամանյամ Ջայշանքարը, այսօր բացելով G20-ի ԱԳ նախարարների հանդիպումը, հայտարարել է կազմակերպությունում «կարծիքների կտրուկ տարբերությունների» մասին ճգնաժամային հարցերի շուրջ և կոչ արել ընդհանուր շփման եզրեր գտնել, գրում է ՏԱՍՍ-ը:
«Եկեք ինքներս մեզ հիշեցնենք, որ G20-ի վրա առանձնակի պատասխանատվություն է դրված։ Այն առաջին անգամ հանդիպեց գլոբալ ճգնաժամի պայմաններում, իսկ այսօր մենք կրկին կանգնած ենք մի քանի ճգնաժամերի առաջ։ Մենք չենք կարող միշտ միաձայն լինել։ Կան որոշ հարցեր, որոնց շուրջ կարծիքներն ու տեսակետները կտրուկ տարբերվում են։ Այդուհանդերձ, մենք պետք է ընդհանուր լեզու գտնենք և ուղղություն ընտրենք, քանի որ աշխարհը մեզանից հենց դա է ակնկալում»,- ասել է Ջայշանքարը։
Նրա խոսքով՝ դա վերաբերում է այնպիսի հարցերի, ինչպիսիք են «COVID-19 համաճարակը, մատակարարման շղթաների փխրունության վերաբերյալ մտահոգությունները, շարունակվող հակամարտությունների ազդեցությունը, պարտքային ճգնաժամը և կլիմայի փոփոխությունը»:
Նշենք, որ Դելիում G20-ի արտգործնախարարների հանդիպումն այսօր մեկնարկել է մեկ րոպե լռությամբ՝ ի հիշատակ Թուրքիայում և Սիրիայում տեղի ունեցած ավերիչ երկրաշարժերի հետևանքով զոհվածների։
Տաթև Ֆռանգյան
