28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Պարեկները Գյումրու քաղաքապետարանի աշխատակցի են ձերբակալել ապօրինի ծառահատման կասկածանքով․ որդին պնդում է՝ հայրը չոր ճյուղ է կտրել
Հասարակություն
02.03.2023 | 10:46
Գյումրու «Մայր Հայաստան» հուշահամալիրի տարածքում պարեկային ծառայության աշխատակիցները ձերբակալել են Գյումրու քաղաքապետարանի կոմունալ բաժնի հսկիչ-բանվոր Պողոս Փափազյանին։ Նրան կասկածում են ապօրինի ծառահատում կատարելու մեջ։
Պողոս Փափազյանի որդին՝ Կարեն Փափազյանը, սակայն, պնդում է, որ «ուզում են գործ սարքել իր հոր գլխին»։ Ըստ նրա, հայրը տեղում մասնագիտական աշխատանք է կատարել՝ բրիգադիրի ցուցումով և տարածքով անցնող առվի հունն է մաքրել չոր ճյուղից։ Տարածքում հսկողություն իրականացնող պարեկներից մեկի կանչով պարեկային ծառայության երեք մեքենաներ են ժամանել, և իրավապահները ձերբակալել են Պողոս Փափազյանին։
Ոստիկանության լրատվական ծառայությունից մեզ տեղեկացրեցին, որ քաղաքապետարանի աշխատակցին ու կազմված փաստաթղթերը ուղարկել են ՀՀ քննչական կոմիտե։
Պողոս Փափազյանի որդին՝ Կարեն Փափազյանը Factor.am-ի հետ զրույցում հայտնմեց, որ ծառի չոր ճյուղը որպես իրեղեն ապացույց ներկայացրել են Քննչական կոմիտե, այն պիտի ենթարկվի փորձաքննության։ Նա նաև լուսանկարել է չոր ճյուղը:
Արմիկ Մովսիսյան
