17.08.2026 | 10:15
Արտարժույթների փոխարժեքները՝ օգստոսի 17-ի դրությամբ
ԱՄՆ-ը «Դատաստանի օրվա» ինքնաթիռն ուղարկել է Իսլանդիա
Քաղաքականություն
01.03.2023 | 20:59
Եվրոպայում ամերիկյան հրամանատարությունը հայտարարել է E-6B Mercury՝ «Դատաստանի օրվա ինքնաթիռն» Իսլանդիայի ռազմակայանի օդային հրամանատարական կետ տեղափոխելու մասին, որը նախատեսված է միջուկային պատերազմում զինված ուժերը վերահսկելու համար: E-6B Mercury-ն Իսլանդիա է ժամանել «Եվրոպայում զինված ուժերի հրամանատարության պատասխանատվության գոտում գործող օպերացիայի շրջանակում»։ Այս մասին ասվում է Twitter-ում հրապարակված հաղորդագրության մեջ, փոխանցում է DW-ի ռուսական ծառայությունը:
Հրամանատարության մամուլի ծառայությունը նշել է, որ «ԱՄՆ եվրոպական հրամանատարությունը և դրա բաղադրիչները հաճախ զորավարժություններ են անցկացնում Արկտիկայում ԱՄՆ դաշնակիցների և գործընկերների հետ միասին՝ կատարելագործելով մեծ, մարտական և հուսալի ուժեր արագ տեղակայելու ունակությունը»։
E-6B Mercury ինքնաթիռը ստեղծվել է Boeing 747-ի հիման վրա: Մեկ տարի առաջ ամերիկյան CNN հեռուստաընկերությունը հայտնել էր, որ E-6B Mercury-ն սկսել է ավելի հաճախ թռչել Ուկրաինա ռուսական ներխուժումից հետո:
Լրատվամիջոցը նշում է, որ այս ինքնաթիռը նախագծված է որպես «հուսալի և երկարակյաց» հաղորդակցության հարթակ բանակի բարձրագույն հրամանատարության, այդ թվում՝ ԱՄՆ նախագահի՝ որպես գլխավոր հրամանատարի և նրա հրամանները կատարող ռազմավարական և ոչ ռազմավարական ուժերի միջև։
Տաթև Ֆռանգյան
