16.08.2026 | 13:01
Կանանց Հայաստանի Մ-19 հավաքականն Արմեն Բարեղամյանի գլխավորությամբ սկսում է ուսումնամարզական հավաքը
Քանի դեռ կա այս իշխանությունը Մարտի 1-ը չի կարող բացահայտվել․ Արամ Մանուկյան․ ՏԵՍԱՆՅՈՒԹ
Քաղաքականություն
01.03.2023 | 18:14
ՀԱԿ փոխնախագահ Արամ Մանուկյանը, պատասխանելով Factor.am-ի հարցերին, նշեց, որ առաջիկայում Մարտի 1-ի գործի բացահայտման հնարավորություն չի տեսնում։ Նրա դիտարկմամբ՝ տրամաբանությունն ու փաստերը ամբողջապես հակառակի մասին են ապացուցում։
«Նախկին ռեժիմի կործանումից հետո հույս կար, ժողովուրդն այդ հույսն ուներ և հավատալով նոր եկած իշխանությունների մեծագոռգոռ խոստումներին՝ գնաց նրանց ձայն տվեց, և շփոթվեց։
Մարտի 1-ի գործի բացահայտումն ավելի հեռացվեց․ նոր եկած իշխանություններն արդարադատության «հերն անիծեցին», խոստացան վեթինգ, խոստացան հանցագործներին բացահայտել, և բոլորը պետք է հատ – հատ պատժվեին, բայց ակնհայտ է, որ դա չկայացավ, և այդ խոստումներն օգտագործվեցին քաղաքական նպատակներով։ Ռոբերտ Քոչարյանը և Սերժ Սարգսյանը դարձան օպոնենտ այս իշխանություններին, և այդ հնարավորությունը Փաշինյանին թույլ է տալիս մնալ իշխանության։
Սահմանադրական դատարանը կնիք դրեց, որ այս մարդիկ հանցագործ չեն․․․ Նիկոլ Փաինյանը հաջորդ քայլն արեց, և այս մարդիկ, որ պետք է պատասխան տային ոճրագործության համար, հայտնվեցին օրենսդիր մարմնում,- նշեց Մանուկյանը՝ ընդգծելով՝ քանի դեռ կա այս իշխանությունը Մարտի 1-ը չի կարող բացահայտվել։
Մանրամասները՝ տեսանյութում։
