16.08.2026 | 13:01
Կանանց Հայաստանի Մ-19 հավաքականն Արմեն Բարեղամյանի գլխավորությամբ սկսում է ուսումնամարզական հավաքը
Ֆինլանդիայի խորհրդարանն աջակցել է ՆԱՏՕ-ին երկրի անդամակցությանը
Քաղաքականություն
01.03.2023 | 18:23
Ֆինլանդիայի խորհրդարանը մարտի 1-ին ձայների մեծամասնությամբ աջակցել է ՆԱՏՕ-ին երկրի անդամակցությանը վերաբերյալ կառավարության առաջարկին, գրում է DW-ի ռուսական ծառայությունը։
Պատգամավորները հաստատել են Հյուսիսատլանտյան պայմանագիրը, ինչպես նաև Հյուսիսատլանտյան դաշինքի կարգավիճակի, ազգային ներկայացուցիչների և միջազգային անձնակազմի կարգավիճակի վերաբերյալ համաձայնագրերը։
Քվեարկությունը տեղի է ունեցել նախատեսվածից մեկ օր ուշ, քանի որ նախօրեին մի քանի խորհրդարանականներ դեմ էին Ֆինլանդիայի՝ Հյուսիսատլանտյան դաշինքին անդամակցելուն։ Մասնավորապես, Ձախ ուժերի միությունից Մարկուս Մուստայարվին առաջարկել է հրաժարվել օրինագծից։ Նրա հայտարարությունը պաշտպանել են մի քանի այլ կուսակցականներ։
Հավելենք, որ ՆԱՏՕ-ին Շվեդիայի և Ֆինլանդիայի անդամության հայտերը վավերացրել են դաշինքի բոլոր անդամները՝ բացառությամբ Թուրքիայի և Հունգարիայի։
Էմմա Չոբանյան
