27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Չավուշօղլուն հայտարարել է, որ Թուրքիան չի միանա ՌԴ-ի դեմ պատժամիջոցներին
Քաղաքականություն
01.03.2023 | 16:08
Անկարան չի աջակցում միակողմանիորեն, առանց ՄԱԿ-ի աջակցության տարբեր պետությունների նկատմամբ կիրառվող պատժամիջոցներին: Այս մասին հայտարարել է Թուրքիայի արտգործնախարար Մևլութ Չավուշօղլուն, գրում է ՌԻԱ Նովոստին։
Դելիում Ռուսաստանի ԱԳ նախարար Սերգեյ Լավրովի հետ հանդիպումից առաջ Չավուշօղլուին հարցրել են, թե, նրա կարծիքով, որքա՞ն ժամանակ Թուրքիան կկարողանա դիմադրել հակառուսական սահմանափակումների կիրառմանը։
«Մենք դիմադրելու կարիք չունենք, մենք ինքներս ենք որոշումներ կայացնում՝ որպես ինքնիշխան պետություն։ Մենք չենք միանում որևէ միակողմանի պատժամիջոցների, աջակցում ենք միայն նրանց, որոնք սահմանված են ՄԱԿ-ի աջակցությամբ։ Դա վերաբերվում է ոչ միայն Ռուսաստանին, մենք նաև չենք աջակցում Իրանի դեմ պատժամիջոցներին»,- ասել է Չավուշօղլուն։
Հավելենք, որ այսօր Հնդկաստանի մայրաքաղաք Դելիում G20-ի ԱԳ նախարարների հանդիպման շրջանակում Չավուշօղլուն ու Լավրովը երկկողմ բանակցություններ են անցկացրել։
Էմմա Չոբանյան
