17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Աղվան Վարդանյանը՝ Նիկոլ Փաշինյանի հայտարարությունների մասին․ ՏԵՍԱՆՅՈՒԹ
Քաղաքականություն
01.03.2023 | 14:22
Այսօր մարտի 1-ի զոհերի հիշատակին նվիրված հուշակոթողի բացման արարողության ժամանակ Նիկոլ Փաշինյանը հայտարարել է, որ մարտի 1-ը բացահայտված է, բայց մեղավորները պատժված չեն։
«Երբ Նիկոլ Փաշինյանն ասում է՝ Մարտի 1-ը բացահայտված է, բայց մեղավորները պատժված չեն, իմ կարծիքով՝ Փաշինյանը նկատի ունի ինքն իրեն»,- Ազգային ժողովում լրագրողների հետ ճեպազրույցում այս հայտարարությունն արեց «Հայաստան» խմբակցության պատգամավոր Աղվան Վարդանյանը։
«Մարտի 1-ի հանցագործները, կազմակերպիչները մինչև ասօր բացահայտված չեն։
Մարտի 1-ը մեր պատմության մի դրվագն է, որը այն ժամանակ իրենց ընդդիմություն համարողներն ու Արցախի հարցից հրաժարվողները կարողացան տարիներ շարունակ օգտագործել, ճնշում բանեցնել պետության վրա, պետական կառույցների վրա, և այսօրվա ողբերգությունները պայմանավորված են այդ մանիպուլյացիաներով»,- նշեց Վարդանյանը։
Ընդդիմադիր պատգամավորի համոզմամբ՝ Մարտի 1-ը այսօր տեղի ունեցող իրադարձությունների նախադեպն ու սկիզբն էր։
Վարդանյան խոսքով`մանիպուլյացիա են այն ձևակերպումները, թե 2008 թվականին խաղաղ ցուցարարներին գնդակահարելու հրահանգ է տվել այդ ժամանակ գործող իշխանությունը։
«Կգա ժամանակ, ամեն ինչ կբացահայտվի: Գնդակահարություն չի եղել, եղել է սահմանադրական կարգի տապալման բացահայտ փորձ, եղել են զոհեր, և հայտարարվել է արտակարգ դրություն: Եթե դուք մի քիչ ուսումնասիրեք Մարտի 1-ի կադրերը, կտեսնեք, որ այն ժամանակվա ընդդիմությունն է հրահրել և ցանկացած գնով փորձել տապալել սահմանադրական կարգը»,- նշեց Վարդանյանը։
Մանրամասները՝ տեսանյութում։
