09.10.2026 | 11:13
ՈՒԵՖԱ-ի անդամ բոլոր երկրները միացել են ՖԻՖԱ-ում բարեփոխումների կոչին՝ բացառությամբ Ադրբեջանի
Թուրքիայում ձերբակալել են հայտնի երկրաֆիզիկոսի՝ սոցցանցերում երկրաշարժի վերաբերյալ գրառման պատճառով
Քաղաքականություն
01.03.2023 | 20:13
Թուրք հայտնի երկրաֆիզիկոս, պրոֆեսոր Օվգյուն Ահմեթ Էրջանը երեկ ուշ երեկոյան ձերբակալվել է՝ սոցիալական ցանցում գրառման համար, գրում է Bianet-ը։
«Անպաշտպան կանայք բռնաբարվել են երկրաշարժի գոտում, քանի որ զինվորները չեն ժամանել առաջին երկու օրերին», – գրել էր նա։
Ստամբուլի տեխնիկական համալսարանի պրոֆեսորին մեղադրանք է առաջադրվել «հասարակությանն ատելության և թշնամանքի հրահրելու համար»։
Ոստիկանության բաժնում հարցաքննությունից հետո պրոֆեսորը կտեղափոխվի Մալաթիայի դատարան՝ ցուցմունք տալու։ Ըստ նախնական տեղեկությունների՝ նա ազատ է արձակվել երկրից չբացակայելու ստորագրությամբ։
Նշենք, որ առաջին անգամ չէ, որ պրոֆեսոր Էրջանը քննադատում է կառավարության արձագանքը երկրում ավերիչ երկրաշարժերից հետո: Նախկինում նա հայտարարել էր, որ արտակարգ իրավիճակների կառավարումը ձախողվել է, և որ 5-րդ բանակը ժամանել է երկրաշարժերից միայն 72 ժամ հետո, ինչը վկայում է այն մասին, թե «որքան վատ է միանձնյա իշխանությունը»։
Հավելենք, որ Թուրքիայում ավերիչ երկրաշարժերի հետևանքով զոհերի թիվը գերազանցել է 45,000-ը։
Էմմա Չոբանյան
