15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Իսրայելում աշխատանքն է սկսել Ադրբեջանի առաջին դեսպանը
Քաղաքականություն
01.03.2023 | 14:55
Իսրայելում աշխատանքն է սկսել Ադրբեջանի առաջին դեսպան Մուխթար Մամեդովը։ Նրան արդեն ընդունել է Իսրայելի ԱԳՆ Կենտրոնական Ասիայի և Կովկասի գծով դեպարտամենտի տնօրեն Միխալ Գերշկովիցը, գրում են ադրբեջանական լրատվամիջոցները։
«Սա պատմական պահ է։ Ինձ համար հաճելի էր ողջունել Ադրբեջանի առաջին դեսպան Մուխթար Մամեդովին Իսրայել ժամանելուց հետո»,- ասվում է Գերշկովիցի թվիթերյան գրառման մեջ։
Ադրբեջանում Իսրայելի դեսպան Ջորջ Դիքը ևս գոհունակությամբ նշել է, որ երկու երկրների հարաբերությունների նոր դարաշրջան է սկսվել։ Նա թվիթերյան գրառմամբ «բարի գալուստ է մաղթել Ադրբեջանի դեսպանին»։
Հիշեցնենք, որ դեռ նախորդ տարվա նոյեմբերին Ադրբեջանի Միլի Մեջլիսն Իսրայելում դեսպանատուն բացելու որոշում էր ընդունել, որը մեծ ոգևորությամբ էր ընդունվել Իսրայելի իշխանությունների շրջանում։ Ադրբեջանի ԱԳ փոխնախարար Ֆարիզ Ռզաևն էլ 2022 թվականի դեկտեմբերին պաշտոնական այցով Իսրայելում էր՝ վերահսկելու Թել Ավիվում Ադրբեջանի դեսպանատան բացման նախապատրաստական աշխատանքները։
Էմմա Չոբանյան
