19.02.2026 | 21:13
ՀՀ-ին և Ճապոնիային հաջողվել է հետևողականորեն զարգացնել քաղաքական երկխոսությունը. Մհեր Գրիգորյան
Զախարովան «ամբարտավանություն» է անվանել Արևմուտքի քաղաքականությունը Հարավային Կովկասում
Քաղաքականություն
01.03.2023 | 13:01
ՌԴ ԱԳՆ պաշտոնական ներկայացուցիչ Մարիա Զախարովան հույս է հայտնել, որ Ռուսաստանի Դաշնության հետ համատեղ մշակված խաղաղության նախաձեռնությունները կիրականացվեն հայ-ադրբեջանական հակամարտության կարգավորման գործում։
«Այդ տարածաշրջանը կարելի է անվանել ուղիղ իմաստով հանգուցային, ևս մեկ տարածաշրջան, որտեղ հույս կա, որ կիրագործվեն այն բոլոր խաղաղ նախաձեռնությունները, որոնք մշակվել են Հայաստանի և Ադրբեջանի կողմից Ռուսաստանի հետ»,- ասել է նա Sputnik ռադիոկայանի եթերում, գրում է ՏԱՍՍ-ը։
Զախարովան «ամբարտավանություն» է անվանել «Հարավային Կովկասի իրավիճակին ներթափանցելու՝ Արևմուտքի փորձերը»։ Նրա կարծիքով՝ նման քաղաքականություն է տարվում ոչ թե հակամարտությունը կարգավորելու համար, այլ «ճիշտ հակառակ նպատակներով»։
«Դժբախտաբար, մենք երկար տարիներ այստեղ նկատում ենք նման միտում, այժմ արևմտյաններն էլ ավելի են ակտիվացել»,- ասել է նա՝ պնդելով, որ արևմտյան գործընկերների մասնակցությամբ հակամարտությունների կարգավորման հաջող օրինակներ չկան, «հակամարտությունների թիվն ինչ-ինչ պատճառներով ավելանում է հավաքական Արևմուտքի նախաձեռնությամբ»։
Էմմա Չոբանյան
