16.12.2025 | 16:05
Մայր Աթոռի արձագանքը՝ պատարագների ընթացքում կաթողիկոսի անունը զեղչելուն
Պատերազմի ավարտը չի կարգավորի ՌԴ-ի հետ հարաբերությունները. հետդարձի ճանապարհ չկա․ Ստոլտենբերգ
Քաղաքականություն
01.03.2023 | 13:58
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Ռուսաստանի հետ հակամարտությունում Ուկրաինային աջակցելը «բխում է Դաշինքի սեփական անվտանգության շահերից»։ Այս մասին նա հայտարարել է Ֆինլանդիայում SAMAK գագաթնաժողովում (Սկանդինավյան աշխատավորական շարժման համագործակցության կոմիտե, սոցիալ-դեմոկրատական կուսակցությունների և սկանդինավյան երկրներում աշխատողների խորհուրդների դաշինք) ունեցած ելույթում։
Ըստ Ստոլտենբերգի՝ Ուկրաինայում ռազմական բախման ավարտը չի բարելավի Ռուսաստանի հետ դաշինքի հարաբերությունները, այս հարցում «հետդարձ չկա»։
«Մենք պետք է գիտակցենք, որ այս պատերազմի ավարտը չի հանգեցնի Ռուսաստանի հետ նորմալ հարաբերությունների»,- ընդգծել է նա։
Գլխավոր քարտուղարը նաև կոչ է արել ՆԱՏՕ-ի անդամներին ավելացնել պաշտպանական ծախսերը, քանի որ «դա պահանջվում է ավելի ու ավելի վտանգավոր աշխարհում անվտանգությունն ապահովելու համար»: Ուկրաինայում հակամարտության սրումը, նրա խոսքով, ՆԱՏՕ-ի համար ավելի մեծ ռիսկ չէ, քան Ռուսաստանի Դաշնության հաղթանակը։
«Ես մտահոգություններ եմ լսում, որ Ուկրաինային մեր աջակցությունը մեծացնում է էսկալացիայի վտանգը։ Բայց հիմա առանց ռիսկի տարբերակներ չկան: Թող ոչ ոք չկասկածի. ամենամեծ ռիսկը կլինի, եթե նախագահ Պուտինը հաղթի Ուկրաինայում»,- հավելել է Յենս Ստոլտենբերգը։
Տաթև Ֆռանգյան
