Ազգային ժողովի պատգամավոր, գեներալ Մանվել Գրիգորյանի նկատմամբ ԱԱԾ սկանդալային բացահայտումներից հետո Factor.am-ին հասան տեղեկություններ, որ այդ բացահայտումներից հետո ՀՀ պաշտպանության նախկին նախարար Սեյրան Օհանյանն ակտիվ գործողություններ է սկսել։
Մասնավորապես, ըստ մեզ հասած լուրերի, Սեյրան Օհանյանն Անշարժ գույքի կադաստրի պետական կոմիտեի Եղվարդի մասնաճյուղ է սկսել հաճախակի այցելել և զբաղված է իր անվամբ գրանցված սեփականության իրավունքի վկայականներն անվանափոխելով։
Ըստ լուրերի՝ այս գործին ներգրավված է նաև Սեյրան Օհանյանի հայրն, ով Մրգաշեն գյուղի դպրոցի ուսուցիչ է։
Սեյրան Օհանյանի տեսակետն այս տեղեկությունների վերաբերյալ կներկայացնենք ավելի ուշ՝ Factor.am-ին տված հարցազրույցում։
