01.06.2026 | 19:38
Տոմսեր՝ ՀՀ-ում ընտրությունների մասնակցելու համար․ Միկա Բադալյանի նախաձեռնությունը և «Եվրասիա»-ի կապերը
Լավրովը` միջանցքի բացման և ԵՄ դիտորդների մասին. ՆԳ նախարարը հանդիպել է ՔՊ պատգամավորների հետ. Լուրեր
28.02.2023 | 19:51
- Լաչինի միջանցքի գործունեության ռեժիմը պետք է լիովին համապատասխանի 2020 թվականի նոյեմբերի 9-ի եռակողմ հայտարարությանը։ Այս մասին Բաքվում Ադրբեջանի ԱԳ նախարար Ջեյհուն Բայրամովի հետ հանդիպումից հետո համատեղ ասուլիսում հայտարարել է ՌԴ ԱԳ նախարար Սերգեյ Լավրովը։ Նրա խոսքով` դա նշանանում է, որ անհրաժեշտ է ապահովել բացառապես քաղաքացիական և մարդասիրական բեռների, ինչպես նաև քաղաքացիական անձանց ազատ տեղաշարժը։ Ըստ Լավրովի` դրան հասնելու են, առաջին հերթին, ռուս խաղաղապահների հետ շփումներով։ Այնտեղ որևէ հսկիչ անցակետի ստեղծում նախատեսված չէ, սակայն, Լավրովի խոսքով, կա հնարավորություն՝ տեխնիկական միջոցներով փարատել կասկածները՝ արդյո՞ք միջանցքն օգտագործվում է ըստ նախատեսվածի։
- Բաքվում անցկացված ասուլիսում Սերգեյ Լավրովն ու Ջեյհուն Բայրամովը չեն շրջանցել Հայաստանում տեղակայված ԵՄ դիտորդական առաքելության թեման։ Լավրովն ասել է, թե ԵՄ-ն չարաշահում է իր հարաբերությունները Հայաստանի ու Ադրբեջանի հետ, այդ թվում՝ լեգիմիտության առումով կասկածելի իր առաքելությունն առաջ մղելով Հայաստանի տարածքում։ Ըստ Լավրովի` առաքելությունը բազմաթիվ հարցեր է առաջացնում գործառույթի, մանդատի, ժամկետի առումով։ Սակայն սա կողմերի սուվերեն ընտրություն է։
- Հայաստանի Ներքին գործերի նախարար Վահե Ղազարյանը քիչ առաջ ժամանեց խորհրդարան։ Նա հանդիպում է ԱԺ «Քաղաքացիական պայմանագիր» խմբակցության պատգաամվորների հետ։ Թե ինչ են քննարկելու ՆԳ նախարարն ու պատգամավորները, ՔՊ-ն չի հստակեցնում։
Այս ժամի լուրերը՝ տեսանյութում։
