Երևանում կայացել է ԵՄ/ԵԽ կողմից կոռուպցիայի դեմ պայքարին ուղղված ծրագրի ամփոփիչ նիստը

Լուրեր

19.11.2026 | 12:57
Չինաստանում մեկնարկել է Թրամփի, Պուտինի և Սի Ցզինպինի եռակողմ հանդիպումը. ՏԵՍԱՆՅՈՒԹ
19.11.2026 | 12:50
Թրամփը նիրհել է ԱԽՏՀ գագաթնաժողովում Սի Ցզինպինի ելույթի ժամանակ․ ՏԵՍԱՆՅՈՒԹ
19.11.2026 | 12:41
Արմավիրի մարզում 25-ամյա տղամարդը օդաճնշիչ հրացանով պատահաբար կրակել է աներորդու վրա․ 24-ամյա երիտասարդը մահացել է
19.11.2026 | 12:30
Էդպես հեգնել եք լողով զբաղվելը, դրա համար մարզեր կան, որ լողավազան չունեն․ նախարարը՝ ընդդիմադիրներին․ ՏԵՍԱՆՅՈՒԹ
19.11.2026 | 12:25
Բռնցքամարտի Մ-23 ԵԱ. Վաղարշակ Քեյանը և Դավիթ Սիմոնյանը մեկնարկել են հաղթանակով. ՏԵՍԱՆՅՈՒԹ
19.11.2026 | 12:19
Նիկոլ Փաշինյանի ճեպազրույցը՝ ՈՒՂԻՂ
19.11.2026 | 12:16
Ուկրաինան հարվածել է Թաթարստանում նավթամղիչ կայանին
19.11.2026 | 12:10
Ալեն Սիմոնյանն Ադրբեջան կմեկնի // Փաշինյանն Ալիևի հետ անհետ կորածների հարց է քննարկել․ ԼՈՒՐԵՐ
19.11.2026 | 12:04
Ձեզ արձագանքի արժանացնելը մեծ պատիվ կլինի, Դուք էդ պատվին չեք արժանացել․ նախարարը՝ Էդգար Ղազարյանին․ ՏԵՍԱՆՅՈՒԹ
19.11.2026 | 11:55
Սահմանադրության փոփոխությունների հաջորդ օրը խաղաղության պայմանագիրը ստորագրվելու է. Ալեն Սիմոնյան․ ՏԵՍԱՆՅՈՒԹ
19.11.2026 | 11:51
Համաշխարհային ճանաչում ունեցող առնվազն 2 կատարողների համերգ կլինի ՀՀ-ում. մրցույթներ են հայտարարվել․ ՏԵՍԱՆՅՈՒԹ
19.11.2026 | 11:39
Հաջորդ ընտրությանը չեմ լինի վարչապետի թեկնածու, եթե հանրաքվեում Սահմանադրությունն անցնի․ Փաշինյան․ ՏԵՍԱՆՅՈՒԹ
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
19.11.2026 | 11:22
Հաջորդ ամիս այցելելու եմ Ադրբեջան. Ալեն Սիմոնյան․ ՏԵՍԱՆՅՈՒԹ
Բոլորը

ՀՀ հակակոռուպցիոն կոմիտեի նախագահ Սասուն Խաչատրյանն այսօր մասնակցել է Եվրոպական միության և Եվրոպայի խորհրդի (ԵՄ/ԵԽ) կողմից իրականացվող՝ «Հայաստանում կոռուպցիայի դեմ պայքարի և կանխարգելման ինստիտուցիոնալ կարողությունների հզորացում» ծրագրի համակարգող խորհրդի ամփոփիչ նիստին, որին ներկա էր նաև Երևանում Եվրոպայի խորհրդի գրասենյակի ղեկավար Մարտինա Շմիդտը: Այս մասին տեղեկանում ենք ՀՀ Հակակոռուպցիոն կոմիտեից։

Դեռևս 2019 թվականից մեկնարկած «Գործընկերություն հանուն լավ կառավարման» (ԳԼԿ) ծրագրային ձևաչափի երկրորդ փուլի շրջանակում իրականացվող վերը նշված ծրագրի նպատակն է՝ աջակցել երկրում հակակոռուպցիոն բարեփոխումներին, այդ թվում՝ նպաստել կոռուպցիայի կանխարգելման և կոռուպցիոն բնույթի հանցագործությունների քննության արդյունավետության բարձրացմանը:

Անդրադառնալով հիշյալ ծրագրի և Հայաստանի կողմից հակակոռուպցիոն ռազմավարության շրջանակում իրականացված միջոցառումներին՝ ԵԽ և ԵՄ ներկայացուցիչներն ընդգծել են, որ այդ համատեքստում նոր ինստիտուցիոնալ մարմինների, այդ թվում՝ Հայաստանում կոռուպցիոն հանցագործությունների քննությամբ զբաղվող միակ մասնագիտացված մարմնի՝ Հակակոռուպցիոն կոմիտեի ստեղծումը իրապես հաջողված քայլ էր:

Ողջունելով նիստի մասնակիցներին և շնորհակալություն հայտնելով եվրոպացի գործընկերներին Հայաստանում կոռուպցիայի դեմ իրականացվող պայքարին աջակցելու համար՝ ՀՀ հակակոռուպցիոն կոմիտեի նախագահ Սասուն Խաչատրյանն իր գնահատանքի խոսքն է ուղղել հատկապես ծրագրի այն մասնակիցներին, որոնք աշխատել են նվիրումով և իրենց փորձն ու գիտելիքներն են ներդրել՝ ծրագրով նախատեսված միջոցառումները հնարավորինս արդյունավետ և նպատակային իրագործելու համար:

Միաժամանակ Հակակոռուպցիոն կոմիտեի նախագահը վերահաստատել է եվրոպացի գործընկերների արտահայտած այն դիրքորոշումը, որ Հայաստանում իսկապես առկա է կոռուպցիայի դեմ պայքարելու քաղաքական կամք, որը դրսևորվում է նաև Կոմիտեի արդյունավետ գործունեության համար անհրաժեշտ հաստիքակազմի համալրմանն ու կառույցի այլ կարողությունների զարգացմանն ուղղված՝ կառավարության օպերատիվ արձագանքով:

Սասուն Խաչատրյանը հույս է հայտնել, որ ԵՄ/ԵԽ հայաստանյան ծրագրի հաջորդ՝ 3-րդ փուլում արդեն Հակակոռուպցիոն կոմիտեն առավել ակտիվ ներգրավվածություն կունենա, և եվրոպացի գործընկերների հետ համատեղ աշխատանքի արդյունքում լուրջ առաջընթաց կարձանագրվի կոռուպցիայի դեմ պայքարի ուղղությամբ տարվող աշխատանքներում: