24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
Ուկրաինան կդառնա ՆԱՏՕ-ի անդամ, բայց դա տեղի կունենա երկարաժամկետ հեռանկարում․ Ստոլտենբերգ
Քաղաքականություն
28.02.2023 | 21:20
Ուկրաինան կդառնա ՆԱՏՕ-ի անդամ, բայց դա տեղի կունենա երկարաժամկետ հեռանկարում։ Այս մասին հայտարարել է դաշինքի գլխավոր քարտուղար Յենս Ստոլտենբերգը, հայտնում է Daily Mail-ը։
«ՆԱՏՕ-ի դաշնակիցները պայմանավորվել են, որ Ուկրաինան կդառնա Դաշինքի անդամ, բայց, միևնույն ժամանակ, դա երկարաժամկետ հեռանկար է»,- ասել է Ստոլտենբերգը Հելսինկիում Ֆինլանդիայի վարչապետ Սաննա Մարինի հետ համատեղ ասուլիսում։
Նա նաև հավելել է, որ այժմ հարցն այն է, որ Ուկրաինան հաղթի որպես ինքնիշխան, անկախ պետություն, հետևաբար, «մենք պետք է աջակցենք Ուկրաինային»: Ըստ Ստոլտենբերգի՝ երբ ռուս-ուկրաինական պատերազմն ավարտվի, «մենք պետք է այնպես անենք, որ պատմությունը չկրկնվի»։
Իր հերթին, Սաննա Մարինն ասել է, որ ՌԴ նախագահ Վլադիմիր Պուտինը «չի կարող շարունակել հարձակումները հարևանների վրա»։
«Նա ցանկանում է վերահսկել Ուկրաինան։ Նա ոչ թե խաղաղություն է ծրագրում, այլ նոր պատերազմ»,- ասել է Ֆինլանդիայի վարչապետը՝ հավելելով, որ Ուկրաինայի ապագան տեսնում է ԵՄ-ում և ՆԱՏՕ-ում։
Տաթև Ֆռանգյան
