08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լավրովը հայտարարել է, որ Լաչինի միջանցքում որևէ անցակետի ստեղծում նախատեսված չէ, բայց Բաքվի կասկածները փարատելու հնարավորություն կա
Քաղաքականություն
28.02.2023 | 15:15
Լաչինի միջանցքի գործունեության ռեժիմը պետք է լիովին համապատասխանի 2020 թվականի նոյեմբերի 9-ի եռակողմ հայտարարությանը։ Այս մասին Բաքվում Ադրբեջանի ԱԳ նախարար Ջեյհուն Բայրամովի հետ հանդիպումից հետո անցկացված համատեղ ասուլիսում հայտարարել է ՌԴ ԱԳ նախարար Սերգեյ Լավրովը։
«Սա նշանանում է, որ անհրաժեշտ է ապահովել բացառապես քաղաքացիական և մարդասիրական բեռների, ինչպես նաև քաղաքացիական անձանց ազատ տեղաշարժը։ Դրան մենք հասնում ենք, առաջին հերթին, ռուս խաղաղապահների հետ շփումներով։ Այնտեղ որևէ հսկիչ անցակետի ստեղծում նախատեսված չէ, սակայն կա հնարավորություն՝ տեխնիկական միջոցներով փարատել կասկածները՝ արդյո՞ք միջանցքն օգտագործվում է ըստ նախատեսվածի»,- ասել է Լավրովը՝ նշելով, որ այսօր այդ հարցը ևս քննարկվել է, իսկ տեխնիկական տարրերը երկրորդական նշանակություն ունեն։
Բայրամովն իր հերթին ասել է, թե Լաչինի միջանցքը փակած «ցուցարարների լեգիտիմ պահանջները պետք է բավարարվեն», որում կարող են դեր ունենալ նաև վերահսկման մեխանիզմները՝ Բաքվի մտահոգությունները ցրելու համար։
Էմմա Չոբանյան
