08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բաքվում սպասում են Լավրովի այցին և այն «լավ հնարավորություն» որակում
Քաղաքականություն
27.02.2023 | 13:09
ՌԴ ԱԳ նախարար Սերգեյ Լավրովն այսօր երկօրյա պաշտոնական այցով մեկնում է Բաքու։ ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ ճեպազրույցում հայտնել էր, որ Լավրովը հանդիպելու է Ադրբեջանի նախագահ Իլհամ Ալիևին, ինչպես նաև ԱԳ նախարար Ջեյհուն Բայրամովին։
«Ուղևորությունը համընկնում է 2020 թվականի փետրվարի 22-ին Ռուսաստանի Դաշնության և Ադրբեջանի Հանրապետության միջև դաշնակցային համագործակցության մասին հռչակագրի ստորագրման առաջին տարեդարձի հետ։ Հատուկ ուշադրություն է դարձվելու Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների իրականացմանը»,- ասել էր Զախարովան։
Ադրբեջանի ԱԳ նախարար Ջեյհուն Բայրամովն իր հերթին լրագրողներին հետ զրույցում ասել է, որ կան որոշակի հարցեր, որոնք անհրաժեշտ է պարբերաբար քննարկել։
«Այս հանդիպումը լավ հնարավորություն կլինի։ Քննարկման առարկա կլինեն ինչպես երկկողմ հարաբերությունները, այնպես էլ տարածաշրջանային խնդիրները»,- ասել է Բայրամովը։
Նա նաև նշել է, որ Ադրբեջանն ամենօրյա կապի մեջ է Արցախում տեղակայված ռուս խաղաղապահ զորախմբի հետ և գիտի, թե ինչ է կատարվում այնտեղ։
Էմմա Չոբանյան
