17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Մինչև քվեարկելը՝ լավ մտածեք. Վլադիմիր Վարդանյանը վրդովվեց․ ՏԵՍԱՆՅՈՒԹ
Հասարակություն
24.02.2023 | 17:47
Ընթանում է սահմանադրական բարեփոխումների խորհրդի նիստը։
«Հնարավոր չէ Սահմանադրության երկու գլուխները միավորել․ խոսքը 4 իրավունքի մասին է, որոնք երրորդ գլխում են։ Սահմանադրության գլուխների միավորում օրենսդրական տեխնիկայի տեսանկյունից հնարավոր չէ։ Այնպես որ առաջարկում եմ մինչև այս հարցի վերաբերյալ քվեարկելը, լավ մտածենք»,- այս մասին նշեց ԱԺ պատգամավոր Վլադիմիր Վարդանյանը։
«Հարցը վերաբերում է սոցիալ-տնտեսական-մշակութային իրավունքները Սահմանադրության 2-րդ գլխում ամրագրելուն, այսինքն՝ 2-րդ և 3-րդ գլուխների միավորման հարցը չենք քննարկում։ Հետո կքննարկենք, թե ինչպես ամրագրել, ինչ տեխնիկայով»,- պարզաբանեց փաստաբան Տիգրան Եգորյանը։
Արդարադատության նախարար Միքայել Մինասյանն արձագանքեց՝ նշելով, որ տարընթերցման առիթն այն է, որ հարցի վերնագիրը և քվեարկության դրվելիք ձևակերպումը տարբերվում են իրարից։
«Կա՛մ պետք է դեմ քվեարկենք և հանձնաժողովի անդամին խնդրենք հարցը վերաձևակերպել հետագայում, այնուհետև ներկայացնել քվեարկության, կա՛մ պետք է խնդրենք հիմա փոխել ձևակերպումը և դնել քվեարկության»,- ասաց արդարադատության նախարարը։
Մանրամասները՝ տեսանյութում։
