17.05.2026 | 19:17
«Սուրբ Հովհաննես» մատուռ բարձրացող սարալանջին քաղաքացին վնասել է ոտքը․ փրկարարներն են օգնության հասել
Անկարան և Մոսկվան առաջիկայում կվերսկսեն «գազային հանգույցի» շուրջ բանակցությունները
Քաղաքականություն
25.02.2023 | 10:19
Անկարայի և Մոսկվայի միջև ակտիվ բանակցությունները «գազային հանգույցի» ստեղծամ շուրջ, որոնք դադարեցվել էին Թուրքիայում տեղի ունեցած ավերիչ երկրաշարժի պատճառով, առաջիկայում վերսկսվելու են, նախագիծն առաջնային է թուրքական կողմի համար։ Այս մասին ՌԻԱ Նովոստիին հայտնել է բանակցություններին ծանոթ աղբյուրը։
Ավելի վաղ, Թուրքիայում ՌԴ դեսպան Ալեքսեյ Երխովը ՌԻԱ Նովոստիին տված հարցազրույցում ասել էր, որ Ռուսաստանի Դաշնության և Թուրքիայի միջև բանակցությունները գազային հանգույցի վերաբերյալ ընթանում են, բայց սխալ կլինի կանխատեսել դրանց արդյունքը:
«Այո, դարի աղետը իր որոշակի դեր ունեցավ։ Հիմա ակտիվ աշխատանքներ են տարվում հետևանքների վերացման համար, տնտեսությունում վերականգնվում են գործընթացները։ Առաջիկայում ակտիվ բանակցությունները վերսկսվելու են։ Ինչ վերաբերում է նախագծի արժեքին, ապա նախնական գնահատումը քննարկվել է պատվիրակությունների աշխատանքի ընթացքում: Բայց, իհարկե, վերջնական գնահատումն անհրաժեշտ է բոլոր մանրամասները պարզելու համար: Դրա մեջ են մտնում մատակարարման և պահանջարկի հարցը, ենթակառուցվածքների աշխատանքի ծավալը: Սրանք բոլոր այն մանրամասներն են, որոնք ուշադիր մշակվում են»,- ասել է աղբյուրը։
Հավելենք, որ Թուրքիան տեղի ունեցած երկրաշարժի հետևանքով հետաձգել էր նաև գազային հանգույցի քննարկմանը նվիրված գագաթնաժողովը։
Էմմա Չոբանյան
