27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Սրանով երիտասարդներին դուրս կթողնենք աշխատաշուկայից․ Էլեն Մանասերյանը՝ կենսաթոշակային տարիքի հիմքը վերացնելու մասին․ ՏԵՍԱՆՅՈՒԹ
Հասարակություն
24.02.2023 | 16:50
«Արհմիությունները կարևոր երկու գործիք ունեն՝ գործադուլի և կոլեկտիվ բանակցություններ վարելու իրավունք, բայց դա դեկլարատիվ բնույթ է կրում, և քանի դեռ իմպերատիվ բնույթ չի կրում, չի կարող ձևավորվել սոցիալական գործընկերություն։
ՀՀ-ում ավելի շատ դա մշակույթ ձևավորելու խնդիր է, քան օրենքի կիրառման»,- Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին և հարակից օրենքների նախագծերի փաթեթի վերաբերյալ խորհրդարանական լսումների ժամանակ այս մասին նշեց Հայաստանի արհմիությունների կոնֆեդերացիայի նախագահ Էլեն Մանասերյանը։
Մանասարյանն անդրադարձավ նաև օրենսդրական այն փոփոխությանը, որի համաձայն՝Հայաստանում գործատուն այլևս չի կարողանա աշխատողին աշխատանքից ազատել՝ կենսաթոշակային տարիքի անցնելու հիմքով. Աշխատանքային օրենսգրքից հանվում է այս հիմքով աշխատանքից ազատելու կարգավորումը:
Նրա խոսքով՝ պետք է հեռուն նայել և դիտարկել, թե սրանով որքանով հնարավոր կլինի նպաստել երիտասարդների զբաղվածությանը՝ հաշվի առնելով նաև, որ ունենք դեմոգրաֆիական խնդիրներ, երիտասարդներին երկրում պահելու և ուղեղների արտահոսքի խնդիր։
Մանասարյանն ընդգծեց, որ մասնագիտական կողմնորոշման կենտրոնները պետք է նպատակային աշխատեցնել, որ երիտասարդները երազեն ոչ թե բուհում սովորելու, այլ մասնագիտություն ստանալու մասին:
Մանրամասները՝ տեսանյութում։
