«Գործադուլների վրա փափուկ արգելք է դրված, սոցիալական գործընկերությունն ընդհանրապես գոյություն չունի»․ Արսեն Իգիթյան․ ՏԵՍԱՆՅՈՒԹ

«Միջազգային նորմերով վաղուց սահմանված են, թե որոնք են արհմիությունների լիազորությունները կամ մեխանիզմները․ դրանք երկուսն են՝ գործադուլը և սոցիալական գործընկերությունը։ Այս երկու գործիքն էլ մեր օրենսդրությամբ կարծես թե գոյություն չունեն, քանի որ եթե օրենսդրական ամրագրումներն այնպիսին են, որ իրականում գրեթե հնարավոր չէ այն կազմակերպել, նշանակում է փափուկ արգելք է դրված»,- Հայաստանի Հանրապետության աշխատանքային օրենսգրքում փոփոխություններ եւ լրացումներ կատարելու մասին և հարակից օրենքների նախագծերի փաթեթի վերաբերյալ խորհրդարանական լսումների ժամանակ այս մասին նշեց Երևանի պետհիմնարկների աշխատողների արհմիության, ՀՀ-ԵՄ քաղհասարակության պլատֆորմի և «Սոլիդարիթի Սենթր» կազմակերպության կողմից ստեղծված աշխատանքային խմբի ներկայացուցիչ Արսեն Իգիթյանը

«Փափուկ արգելք է դրված գործադուլի վրա, իսկ սոցիալական գործընկերությունը մասամբ գոյություն չունի։

Սսոցիալական գործընկերությունն ունի երկու բաղադրիչ, մեկը կոլեկտիվ բանակցություններն են, մյուսը՝ աշխատողների խորհրդատվության իրավունքը բոլոր մակարդակներում։

Աշխատողների խորհրդատվության իրավունքը գրեթե բացակայում է մեր օրենսդրության մեջ, քանի որ ամրագված չէ, որ, օրինակ, պետության կողմից աշխատանքային, սոցիալ-տնտեսական, բյուջետաֆինանսային, բնապահպանական և համայնքի վրա ազդող այլ որոշումները պետք է քննարկել սոցիալանան գործընկերների՝ գործատուների և արհմիությունների հետ»։

Մանրամասները՝ տեսանյութում։