27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
ՀՀ-ում արհմիությունները գործիքներ չունեն․ գործատուն պատասխանատվություն չի կրում նրա համար, որ չի խորհրդակցել արհմիությունների հետ․ Անահիտ Ասատրյան․ ՏԵՍԱՆՅՈՒԹ
Հասարակություն
24.02.2023 | 16:25
«Արհմիություններն ունեն միջազգայնորեն ճանաչված երկու գործիք՝ դրանք են գործադուլը և սոցիալական գործընկերությունը։ ՀՀ-ն վավերացրել է այն կոնվենցիաները, որոնցով կարգավորվում են այս գործիքները և իրավունքներ են տրվում արհմիություններին։ Սակայն ՀՀ-ում արհմիությունները գործիքներ չունեն»,- այս մասին Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին և հարակից օրենքների նախագծերի փաթեթի վերաբերյալ խորհրդարանական լսումների ժամանակ նշեց ՀՀ պետական հիմնարկների ՏԻՄ-երի աշխատողների ճյուղային հանրապետական արհմիության ներկայացուցիչ Անահիտ Ասատրյանը։
«Օրենսգիրքը նախատեսում է, որ գործատուն պարտավոր է խորհրդակցել արհմիությունների հետ, երբ աշխատողների իրավունքների հետ կապվածխնդիրներ է լուծում, սակայն սա միայն գրված է, կիրառման մեխանիզմներ չկան, և գործատուն պատասխանատվություն չի կրում նրա համար, որ չի խորհրդակցել արհմիությունների հետ»,- նշեց արհմիության ներկայացուցիչը։
Նրա խոսքով՝ Աշխատանքային օրենսգրքի մի ամբողջ բաժին կոլեկտիվ բանակցություններին է վերաբերում, և նկարագրվում է, թե ինչ է սոցիալական գործընկերությունը, սակայն չկա պարտադրանք, որ որոշում կայացնողները պետք է խորհրդակցեն արհմիությունների հետ, մինչդեռ այլ երկրներում կան օրենքներ, որոնցով դա պարտադրվում է։
Մանրամասները՝ տեսանյութում։
